Litaba za Kalulo 6
Maisilaele hase bafitile mwa Naha ya Sepiso, tabernakele yaba yona mutomo wa bulapeli bwa niti. Baprisita nebalutanga batu Mulao, mi baatuli nebaetelela sicaba. Kalulo ye ibonisa mo likatulo zaeza mutu likona kuamela babañwi. Muisilaele kaufela naanani buikalabelo ku Jehova ni batu. Lukanyakisisa mo likezo za Debora, Naomi, Joshua, Anna, mwanaa Jefita, ni Samuele neliamezi babañwi. Hape lukabona mo batu bane basi Maisilaele babacwale ka Rahaba, Ruti, Jaele, ni Magibioni, nebaswalisanezi ni Maisilaele kakuli nebaziba kuli Mulimu naali ni bona.
MWA KALULO YE
TUTO 30
Rahaba Upata Matwela
Mamota a Jeriko naawile. Kono ndu ya Rahaba neisika wa mi neizwezipili kutiya nihaike kuli neiyahilwe mwa limota.
TUTO 31
Joshua ni Magibioni
Joshua naalapezi ku Mulimu kuli: “Wena lizazi, yema!” Kana Mulimu naaalabile tapelo yeo?
TUTO 32
Mueteleli Yomunca ni Basali Bababeli Baba Bundume
Joshua hasaashwile, Maisilaele bakala kulapela milimu ya maswaniso. Maisilaele nebanyandiswa kono Jehova aitusisa Muatuli yabizwa Baraki, Debora, yena mupolofita wamusali, ni Jaele yanaanani mapo ya kwa tende!
TUTO 33
Ruti ni Naomi
Basali bababeli babashwezi ki baana bababona bakutela kwa Isilaele. Yomuñwi wa basali bao, yena Ruti, naaile kuyo beleka mwa ma simu, ili kwanaa izo lemuhiwa ki Boazi.
TUTO 34
Gidioni Naatuzi Mamidiani
Hamulaho wa Mamidiani kunyandisa Maisilaele, batu bakupa Jehova kuli abatuse. Mpi yenyinyani ya Gidioni neikonile kutula cwañi masole ba 135,000 ba Mamidiani?
TUTO 35
Anna Ulapela Kuli Abe ni Mwana Wamushimani
Elikana naaisize Anna ni Penina ni lubasi kwa kulapela kwa tabernakele mwa Shilo. Teñi ko, Anna alapela kuli abe ni mwana. Hamulaho wa silimo, apepa Samuele!
TUTO 36
Sepiso ya Jefita
Ki sepiso mañi yasepisa Jefita, mi ki kabakalañi? Mwanaa Jefita wamusizana naaezize cwañi hanaazibile sepiso ya bo ndatahe?
TUTO 37
Jehova Ubulela ku Samuele
Bana babashimani bababeli ba Muprisita Yapahami Eli nebasebeza sina baprisita kwa tabernakele, kono nebasika utwa milao ya Mulimu. Mutangana Samuele naashutana ni bona, mi Jehova naabulezi ku yena.
TUTO 38
Jehova Naatusize Samisoni Kuba ni Maata
Mulimu naatusize Samisoni kuba ni maata akulwanisa Mafilisita, kono hanaaezize keto yemaswe Mafilisita bamuswala.