Ntwelelo ya Kipindi 6
Bene Isalela pobātwelele mu Ntanda ya Mulao, kipema kyāikele ke kité nansha’mba kifuko kya butōtyi bwa bine mu Ntanda ya Mulao. Babitobo bādi bafundija’ko Bijila, batyibi bādi bendejeja’ko muzo. Kino kipindi kilombola lupusa lukatampe ludi na butyibi ne bilongwa bya muntu pa bantu bakwabo. Mwine Isalela ense wādi na kiselwa kudi Yehova ne kudi mukwabo. Lombola lupusa lwādi na ba Debola, Naomi, Yoshua, Ana, mwanā Yefeta mwana-mukaji, ne Samwele pa bantu ba mu bibundi byabo. Komeneja’mba enka ne bantu bamo kebādipo bene Isalela, kimfwa Lehaba, Luta, Yaile, ne bene Ngibeone, bālamete ku mutamba wa bene Isalela mwanda bāyukile’mba Leza udi nabo.
MU KINO KIPINDI
KIFUNDWA 29
Yehova Watonge Yoshua
Leza wāpele Yoshua bulombodi bubwanya kwitukwasha netu bininge dyalelo.
KIFUNDWA 30
Lehaba Wafi Batubedibedi
Mumbu ya Yediko yāponene panshi kakangabanga. Inoko njibo ya Lehaba yāshele imene, nansha byoyādi ilamete ku lubumbu.
KIFUNDWA 31
Yoshua ne Bene Ngibeone
Yoshua wālombele Leza amba: “Dyuba, imana!” Le Leza wālondolwele?
KIFUNDWA 32
Mwendeji Mupya ne Bana-Bakaji Babidi Bankanka
Yoshua pa kufwa, bene Isalela bāshilwile kutōta bilezaleza. Būmi bwēbakomēne, inoko kwāile bukwashi kupityila kudi Balaka Mutyibi, Debola mupolofeto mukaji, ne Yaile na kikomo kya pema wandi!
KIFUNDWA 33
Ba Luta ne Naomi
Bana-bakaji babidi bonso bafwilwe balume, bājokele ku Isalela. Umo i Luta, wāendele kukengila ku madimi, kwine kobāmumwene kudi Boaza.
KIFUNDWA 34
Ngideoni Wanekenya Bene Midyana
Bene Midyana pa kupwa kususula Isalela bininge, bene Isalela bāzenzele Yehova ebakwashe. Le kibumbo kityetye kya divita kya Ngideoni kyānekenye namani basola balwana 135 000?
KIFUNDWA 35
Hana Ulombela Abutule Mwana
Elekana wasela Hana, Penina, ne bana kukatōta ku kipema mu Shilo. Kwine’kwa, Hana kalombela abutule mwana. Mwaka umo pa kupita’po, Samwele ke mubutulwe!
KIFUNDWA 36
Mulao wa Yefeta
Le Yefeta wālaile mulao’ka, ne mwanda waka? Le mwanā Yefeta mwana-mukaji wālongele namani pa mulao wa shandi?
KIFUNDWA 37
Yehova Wesambe na Samwele
Bana babidi ba Edi, Kitobo Mukatampe bādi bengila bu babitobo ku kipema, inoko kebādipo bakōkele bijila bya Leza. Nkasampe Samwele wādi mwishile nabo, kadi Yehova wēsambile nandi.
KIFUNDWA 38
Yehova Wape Samishoni Bukomo
Leza wape Samishoni bukomo mwanda wa kulwa na bene Fidishitia, inoko Samishoni pa kukwata butyibi bubi, bene Fidishitia bāmukwete.
