Diumvuija dia Tshitupa 6
Ndekelu wa bionso pakafika bena Isalele mu Buloba Bulaya, ntenta wa tshitendelelu wakalua muaba munene wa ntendelelu mulelela. Bakuidi bavua balongesha Mikenji, ne balumbuluishi balombola tshisamba. Tshitupa etshi tshidi tshileja buenzeji bukole budi nabu mapangadika adi muntu wangata ne bienzedi biende kudi bantu bakuabu. Muena Isalele yonso uvua ne bualu kampanda buvuaye ne bua kuenzela Yehowa ne muntu nende. Leja buenzeji buvua nabu Debola, Naomi, Yoshua, Hana, muana wa bakaji wa Yefeta, ne Samuele kudi bantu bavua babanyunguluke. Leja ne: nansha bantu bavua kabayi bena Isalele, bu mudi: Lahaba, Luta, Yaele, ne bena Gibeona bakangata dipangadika bua kudisangisha ne bena Isalele bualu bavua bamanye ne: Nzambi uvua nabu.
MU TSHITUPA ETSHI
DILONGESHA DIA 29
Yehowa udi usungula Yoshua
Nzambi wakambila Yoshua malu a kulonda adi mua kutuambuluisha petu lelu.
DILONGESHA DIA 30
Lahaba udi usokoka batentekedi
Bimanu bia Yeliko biakupuka panshi. Kadi nzubu wa Lahaba wakashala muimane nansha muvuabu bamuibakile ku tshimanu tshia tshimenga.
DILONGESHA DIA 31
Yoshua ne bena Gibeona
Yoshua wakasambila Nzambi wamba ne: “Dîba imana tendee!” Nzambi uvuaku mumuandamune anyi?
DILONGESHA DIA 32
Mulombodi mupiamupia ne bakaji babidi ba dikima
Pakafua Yoshua, bena Isalele bakatuadija kutendelela mpingu. Nsombelu wakakola, kadi mulumbuluishi Balaka, muprofete mukaji, Debola ne Yaele ne mpopo wende wa ku ntenta bakafila diambuluisha!
DILONGESHA DIA 33
Luta ne Naomi
Bakaji ba mu lufuila babidi bakapingana mu Isalele. Luta umue wa kudibu, wakaya kuenza kuangulula ntete mu madimi, muakamumuenenabu kudi Boaza.
DILONGESHA DIA 34
Gideona udi utshimuna bena Midiyana
Pavua bena Midiyana bakengesha bena Isalele bikole menemene, bena Isalele bakalomba Yehowa bua abambuluishe. Mmushindu kayi uvua basalayi bakese ba Gideona batshimune basalayi baluishi 135 000?
DILONGESHA DIA 35
Hana udi ulomba muana wa balume
Elekana wakaya ne Hana, Penina, ne bana bua kutendelela ku ntenta wa tshitendelelu ku Shilo. Kuoku aku, Hana wakalomba muana wa balume. Tshidimu tshijima pashishe, wakalela Samuele!
DILONGESHA DIA 36
Dilaya dia Yefeta
Ndilaya kayi divua Yefeta muenze? Bua tshinyi? Ntshinyi tshivua muana ya Yefeta muambe bua tshivua tatuende mulaye?
DILONGESHA DIA 37
Yehowa udi uyukila ne Samuele
Bana ba balume babidi ba Muakuidi Munene Eli bavua benza mudimu wa buakuidi ku ntenta wa tshitendelelu. Kabavua batumikila mikenji ya Yehowa to. Samuele utshivua muana uvua mushilangane nabu, ne Yehowa wakayukila nende.
DILONGESHA DIA 38
Yehowa udi upesha Shimishona bukole bua bungi
Nzambi wakavuija Shimishona ne bukole bua bungi bua kuluangana ne bena Peleshete, kadi pakalejaye kuvua bukole buende bufumina, bena Peleshete bakamukuata.