Kujimbula Chihanda 6
Omu vaIsalele vahetele muLifuchi lyaLushiko, valikungulwilenga hatavanaku yize yapwile chihela chavo chachinene chakulemesa chamuchano. Shikaho, vaIsalele vavanangwilenga Jishimbi kuli vapilishitu kaha nawa vavatwaminyinyinenga kuli vaka-kuyula. Echi chihanda chinalumbununa kulema chatwama hakusakula kanawa vyakulinga nomu vyuma kana vinahase kukwata hachiyoyelo chavakwetu. VaIsalele vosena, mutu himutu apwile namulimo wakufwila kulinga vyuma vyamwaza kuli Yehova nakuli vakwavo vatu. Lweza mwanove atachikize nge vyuma vasakwile kulinga vaNdevola, naNowemi, naYoshuwa, naHana, naMwanaYefweta Wapwevo naSamwele vyakafwile vakwavo vapwenga navilinga vyamwaza. Shindakanya nawa ngwove navatu vamwe vaze kavapwile vaIsaleleko vakufwana nge Lahave, naLute, naYayele navaka-Ngiveyone vasakwile kupwa kusali yavaIsalele mwomwo vatachikijile ngwavo Yehova apwile navakiko.
MUCHIHANDA CHINO
CHILONGESA 29
Yehova Mwasakula Yoshuwa
Kalunga ahanyine Yoshuwa jindongi jize jinahase kutukafwa nayetu makumbi ano.
CHILONGESA 30
Lahave Aswekele Vandoji
Jikembwe jaYeliko jashiukile. Oloze zuvo yaLahave kayashiukileko, numba tuhu vayitungililile hakembwe.
CHILONGESA 31
Yoshuwa naVaka-Ngiveyone
Yoshuwa alombele kuli Yehova ngwenyi: “Likumbi imana ndundulu!” Uno Kalunga amukumbulwile tahi?
CHILONGESA 32
Twamina Wamuhya naMapwevo Vavali vaKuhamuka
Omu Yoshuwa afwile, vaIsalele vaputukile kulemesa makombelo. Chiyoyelo chavakaluhwilile, oloze muka-kuyula mbalake ikiye avakafwile, kuhichila muli kapolofweto Ndevola, naYayele nambalaka yenyi
CHILONGESA 33
Lute naNowemi
Mapwevo vavali vaze vafwishile malunga javo vakindulukile kuIsalele. Umwe hali ava mapwevo vavali apwile Lute uze, azachililenga mumande, mukiko amumwenenene Mbowaze.
CHILONGESA 34
Ngiteyone Mwafungulula vaMichane
Omu vaMichane vayanjishile vaIsalele, chalingishile vaIsalele valembelele Yehova avakafwe. Uno lizavu lyalindende lyamaswalale jaNgiteyone lyafungulwile ngachilihi maswalale javaMichane vakuheta ku 135,000?
CHILONGESA 35
Hana Mwalomba Apwenga naMwana waLunga
Elekana mwaya naHana, naPenyina, navana venyi kuShilo nakulemesa Kalunga hatavanaku. Hana mwalomba mwana walunga. Nakushimbula chiku, Samwele asemukile!
CHILONGESA 36
Lushiko lwaYefweta
Lushiko muka Yefweta ashikile Yehova, kaha mwomwo ika? Uno mwanaYefweta wapwevo akwileko ngachilihi kulushiko kana?
CHILONGESA 37
Yehova Mwahanjika naSamwele
Vana vamalunga vavali vaKapilishitu Wakulitulaho Eli vazachilenga mulimo waupilishitu hatavanaku, oloze kavakavangijilenga jishimbi jaKalungako. Samwele uze apwile kanyike alihandunwine kuli vakiko. Ufuku umwe Yehova ahanjikile naSamwele.
CHILONGESA 38
Yehova Ahanyine Samasone Ngolo
Kalunga ahanyine Samasone ngolo mangana alwenga navaFwilishite, oloze Samasone alimbenjele, ngocho vaFwilishite vamukwachile.
