Weche Michakogo Kare mar 6
Ka ne Jo-Israel ochopo e Piny ma Nosingi, tabenakel e ma ne itimoe lamo madier. Jodolo ne puonjo ji Chike Jehova, to jong’ad-bura ne tayo oganda. Kare mar auchielni nyiso kaka yiero ma ng’ato timo kaachiel gi timbene nyalo konyo jomamoko kata hinyogi. Ja-Israel ka Ja-Israel ne nigi ting’ mar rito winjruok manie kinde gi Jehova kod jowetene bende. Kony nyathini mondo one kaka gik ma Debora, Naomi, Joshua, Hanna, nyar Jeftha, kod Samuel notimo nokonyo jomamoko. Jiw bende ni kata mana jomoko ma ne ok gin Jo-Israel kaka Rahab, Ruth, Jael, kod Jo-Gibeon noriwore gi Jo-Israel nikech ne gifwenyo ni Jehova Nyasaye ne ni kod Jo-Israelgo.
MA YUDORE KAE
SULA MAR 29
Jehova Oyiero Joshua
Gik ma Jehova nonyiso Joshua ni otim nyalo konyowa e kindewagi bende.
SULA MAR 30
Rahab Nopando Chwo ma Nodhi Nono Jeriko
Ohinga mag Jeriko noruombore piny! Od Rahab to nodong’ kochung’ kata obedo ni odno bende ne omakore gi ohinga.
SULA MAR 31
Joshua gi Jo-Gibeon
Joshua nolamo Nyasaye kokwayo kama: ‘Chieng’, chung’ mos!’ Be Nyasaye nodwoko kwayoneno?
SULA MAR 32
Jatelo Manyien kod Mon Ariyo ma Jochir
Bang’ ka Joshua ne osetho, Jo-Israel ne ochako lamo nyiseche manono. Ngima ne obedonegi matek, kata kamano Jehova notiyo gi Barak, Debora, kod Jael mondo oresgi.
SULA MAR 33
Ruth gi Naomi
Mond liete ariyo nodok Israel. Achiel kuomgi ma en Ruth nodhi kwanyo cham e puothe. Ka en kuno, Boaz nofwenyo timbene mabeyo.
SULA MAR 34
Gidion Noloyo Jo-Midian
Jo-Midian ne sando Jo-Israel. Jo-Israel nosayo Jehova mondo okonygi. Ere kaka jolweny manok mag Gidion noloyo jolweny 135,000 mag Jo-Midian?
SULA MAR 35
Hanna Nolemo Kokwayo Jehova Nyathi
Elkana ne dhiga lemo gi joode e tabenakel ma ne ni Shilo. Chieng’ moro ka ne gin kuno, Hanna ne okwayo Jehova nyathi. Bang’ higa achiel ne onyuolo Samuel.
SULA MAR 36
Jeftha Osingore ne Jehova
Jeftha nosingore ne Jehova ni nodhi timo ang’o, to nikech ang’o? Nyar Jeftha ne otimo ang’o ka nofwenyo gima wuon-gi nosingono?
SULA MAR 37
Jehova Owuoyo gi Samuel
Eli ne en Jadolo Maduong’. Yawuote ariyo ne tiyo kaka jodolo e tabenakel. Yawuotego ne ok luw chike Jehova. Samuel to ne opogore kodgi. Chieng’ moro gotieno, Jehova ne owuoyo gi Samuel.
SULA MAR 38
Jehova Nomiyo Samson Obedo Ratego
Nyasaye ne omiyo Samson teko mar kedo gi Jo-Filistia, to ka ne Samson otimo yiero marach, Jo-Filistia ne omake mi gitere e jela.