Xi tínchja̱ni 6
Nga jekicho chjota israelita ya ʼNde jña tsakʼinle nga kʼoaile, ñaki yaa tsaʼyaxkón Niná ya ndʼianajño. Je xi tsakakóya Kjoatéxoma jéní naʼmi kʼoa xi tsakándiaale naxinandá jéní xi jues koan. Jotjín kjoaʼmiya jchaa ibi kui bakóya josʼin bʼetʼale xi ngikʼa jmeni xi sʼín jngo chjota. Je chjota israelita tjínnele nga nda koatio ngixko̱n Jeobá kʼoa ngixko̱n xínkjín. Tikʼaxki̱ josʼin tsakinyakao ya ʼndele jmeni xi kisʼin Débora, Noemí, Josué, Ana, tsotile Jefté kao Samuel. Kʼoati tikʼaxki̱ nga tsakatio kʼa xi tsín ya naxinandá Israel kitjenni xi ya kitʼale chjota israelita nga̱ tsabee nga Niná tjíokao, jolani Rahab, Rut, Jael kao chjota gabaonita.
KUI FAʼAITʼA JEBI
KJOAʼMIYA 29
Je Jeobá jé Josué kjoejin
Jmeni xi kitsole Niná je Josué kʼoati basenkaoná tsanda ñá ndʼaibi.
KJOAʼMIYA 30
Je Rahab kisikatíoʼma xi kichokotsenché ʼndele
Je xjáo xi kjindai Jericó chixojen. Tonga lijme xi koanle je ndʼiale Rahab ninga toya tojngo tjín kao xjáo xi kjindai Jericó.
KJOAʼMIYA 31
Josué kao chjota gabaonita
Je Josué tsakʼétsʼoale je Niná kʼoa kʼoakitsole nga katabasenjyo je tsʼuí. A kinrʼoé je Niná.
KJOAʼMIYA 32
Xi tsakasentítjon kao jao yánchjín xi nʼiojin koan
Xi jekʼien Josué je chjota israelita niná ndiso tsakʼétsʼoale. Tsee kjoa kichomani nga kʼoakisʼin, tonga jé tsakasenkao je Barac, Débora kao Jael.
KJOAʼMIYA 33
Rut kao Noemí
Jao yánchjínkʼan xi ya tjíofi ya Israel. Je Rut yaa kisíxá ya jinjñá kʼoa yaa tsabexkon je Boaz.
KJOAʼMIYA 34
Je Gedeón kisikinjele chjota madianita
Je chjota madianita totaon tjíobe je naxinandá Israel kʼoa jé Jeobá kisijéle nganʼio. Jósʼin kisikinjele Gedeón je xi 135,000 sondado nga tochoa mani chjotale.
KJOAʼMIYA 35
Je Ana jngo ʼndí kisijéle Jeobá
Je Elcaná yaa kikao Ana, Peniná kao xtile ya Siló nga kikʼétsʼoale Jeobá. Je Ana jngo ʼndí kisijéle Jeobá. Jngo nó koanskanni kʼiaa kitsin Samuel.
KJOAʼMIYA 36
Én xi kitso Jefté
Jmé xi kitso Jefté nga sʼin, kʼoa ánni nga kʼoakitsoni. Jókisʼin tsotile kʼianga kisʼejinle jebi.
KJOAʼMIYA 37
Je Jeobá tsakjákao Samuel
Je xtile Elí kʼoati naʼmi koan ya ndʼianajñole Jeobá tonga likui kisitjoson kjoatéxomale Jeobá. Je Samuel nda kisʼin kʼoa ñandia kʼianga Jeobá tsakjákao.
KJOAʼMIYA 38
Jé Jeobá kitsjoale nganʼio je Sansón
Je Niná kitsjoale nganʼio je Sansón nga koan kiskan kao chjota filisteo, tonga nga tsín nda kisʼin je Sansón je chjota filisteo kitsoaa.
