Ivili Umu Ciputulwa 6
Lino Aina Izlaeli yafisile umu Mpanga ya Ulayo, itenti lya kupepelapo lyali ali ncende pano yapepelanga. Ya simapepo yasambilizyanga masunde, apinguzi nayo yatungululanga uluko. Ciputulwa cii icilanda pali vino ivintu vino umuntu akasoolola na vino akacita vikakuma yauze. Umwina Izlaeli wensi wakweti umulimo uno angaombela Yeova na antu yauze. Mulande pali vino Debola, Naomi, Yoswa, Hana, umwana mukazyana wakwe Yefuta, na Samueli yaacisile na vino ivintu vivyo vyazwilizye antu aali umu ncende ino antu yaa iikalanga. Mulande sana pa cisinka icakuti na antu kwene aataali Aina Izlaeli, wakwe Lahabu , Luti, Yaeli, na Ina Gibyoni, yasoolwilepo ukuya uku lusansa lwa Ina Izlaeli pano yamanyile ukuti Leza wali nayo.
MU CIPUTULWA CII
SAMBILILO 30
Lahabu Wafisile Inengu
Iviumba ivya musumba uwa Yeliko vyawile. Lelo ing’anda yakwe Lahabu yene itawile nanti cakuti yaikuulile uku viumba ivya musumba.
SAMBILILO 31
Yoswa na Ina Gibyoni
Yoswa wapefile kuli Leza ukuti: “Ilanzi limilile!” Uzye Leza waswike?
SAMBILILO 32
Intunguluzi Ipya na Anaci Yaili Asipe
Lino Yoswa wafwile, Aina Izlaeli yatandiike ukupepa ivilubi. Ivintu vyatazile, lelo Yeova wayazwilizye kuomvya Balaki mupinguzi, kasesema umwanaci Debola, na Yaeli uwaomvizye lupopo lwa kwi tenti!
SAMBILILO 33
Luti na Naomi
Anaci yaili afwilwa ya iya yaswilila ku Izlaeli. Luti, mwanaci wenga pa anaci yayo, waile mu kuomba mu calo, kuno Boasi waile amulola.
SAMBILILO 34
Gidyoni Wacimvizye Aina Midyani
Pa cisila cakuti Aina Midyani yalenga ivintu kwipila Aina Izlaeli, Aina Izlaeli yapapasiile ukuti Yeova ayazwe. Uzye iumba ilinono lya yasilika lyakwe Gidyoni lyacimvizye uli asilika135,000?
SAMBILILO 35
Hana Wapefile Ukuti Akwate Umwana Umonsi
Elikana wasenda Hana, Penina na ana yakwe ukwi tenti lya kupepelapo ku Syilo. Kuuku, ali kuno Hana wapepa ukuti akwate umwana umonsi. Pa cisila ca mwaka onga, Samueli wavilwel!
SAMBILILO 36
Ulayo Wakwe Yefuta
Ulayo ci uno Yefuta walavile nupya umulandu ci? Uzye umwana mukazyana wakwe Yefuta wacisile uli pa ulayo uno isi walavile
SAMBILILO 37
Yeova Wavwanga na Samweli
Ana yaili yakwe Simapepo Mukalamba Eli, yaombanga usimapepo api tenti lya kupepelapo, nomba yatuvwilanga masunde yakwe Leza. Uwacance Samweli wene wapusineko, nupya Yeova walanzile nawe.
SAMBILILO 38
Yeova wapeezile Samusoni amaka
Leza wapeezile Samusoni amaka akulwisya Aina Filisiti, nomba lino Samusoni atapingwile ningo, Aina Filisti yamulemile.