Naanin Ijjino ko ñan Jebta 6
Ke RiIsrael ro rar jino jokwe ilo Ãneen Kallim̦ur eo, jikin kabuñ eo aer ear pãd ilo im̦õn kõppãd eo. Bũrij ro rar katakin armej ro kõn Kien Moses, im riekajet ro rar tõl er. Katak ko ilo jebta in kein kajiljino rej kaalikkar bwe pepe ko im kõm̦m̦an ko an juon armej remaroñ jelõt ro jet. RiIsrael ro kajjojo rar aikuj dãpij wõt aer tiljek ñan Jeova im ro jet. Ilo am̦ riiti bwebwenato ko an Debora, Neomi, Joshua, Hanna, jiroñ eo nejin Jepta, im Samuel, jouj im kaalikkar wãween an joñak kein aer maroñ kar kõm̦akũt armej ro ilo bukwõn ko aer. Bareinwõt kwal̦o̦k kõn jet iaan ro jãn aelõñ ko jet, ãinwõt Rehab, Rut, Jeel, ekoba RiGibeon ro im kõn aer kar pepe in kobal̦o̦k ippãn RiIsrael ro kõnke rar jel̦ã bwe Anij ej pãd ippãer.
ILO JEBTA IN
KATAK 29
Jeova Ej Kããlõt Joshua
Naanin tõl ko Anij ear lil̦o̦k ñan Joshua remaroñ bar jipañ kõj ilo raan kein ad.
KATAK 30
Rehab Ej N̦ooje Riaroñroñ Ro
Wõrwõr eo an Jeriko ear rup im okjak. Ak m̦weo im̦õn me ear m̦õttan wõrwõr eo ear jutak wõt.
KATAK 31
Joshua im RiGibeon Ro
Joshua ej jar ñan Anij im ba: “Al̦, kwõn bõjrak!” Anij ear ke uwaake jar in an?
KATAK 32
Juon Rũtõl Ekããl im Kõrã Ro Ruo Reperan
Ãlikin an kar Joshua mej, RiIsrael ro rar jino kabuñ ñan ekjab ko. Ear jino penl̦o̦k mour ko aer, ak RiEkajet Berak im rũkanaan Debora rar maroñ jipañ ekoba Jeel, eo ear kõjerbal juon dila in em̦ nuknuk!
KATAK 33
Rut im Neomi
Kõrã ro ruo me emej l̦õm̦aro pãleer rej jim̦or jepl̦aak ñan Israel. Juon iaaer ej Rut. Ear etal im jerbal ilo juon jikin kallib im Boaz ear loe.
KATAK 34
Gideon Ej Anjo̦ Ioon RiMidian Ro
Ke RiMidian ro rar kõm̦m̦an bwe RiIsrael ro ren eñtaan, RiIsrael rein rar akwel̦ap ñan Jeova bwe en jipañ er. Etke kumi in tarin̦ae eo edik an Gideon rar maroñ anjo̦ ioon 135,000 rũttarin̦ae ro an Midian?
KATAK 35
Hanna Ej Jar im Kajjitõk kõn Juon Nejin L̦addik
Elkena ej bõkl̦o̦k Hanna, Penina, im ajri ro nejin ñan im̦õn kõppãd eo ilo Shailo bwe ren kabuñ ie. Ilo ijin, Hanna ear jar im kajjitõk kõn juon nejin l̦addik. Tokãlik, Samuel ear l̦otak!
KATAK 36
Kallim̦ur eo an Jepta
Ta eo Jepta ear kallim̦ur bwe enaaj kõm̦m̦ane im etke? Ta eo jiroñ eo nejin Jepta ear ba ke ear jel̦ã kõn kallim̦ur eo an jemãn?
KATAK 37
Jeova Ej Kõnnaan ñan Samuel
Ear wõr ruo em̦m̦aan nejin Bũrij L̦apl̦ap eo Ilai me rar bar bõk jerbalin bũrij ilo im̦õn kõppãd eo. Ak rar jab pokake kien ko an Anij. Samuel ear lukkuun dik jãn er ak ear oktak jãn er. Juon boñ Jeova ear kõnnaan ñan Samuel.
KATAK 38
Jeova Ear Kõm̦m̦an bwe Samson En Kajoor
Anij ear kõm̦m̦an bwe Samson en lukkuun kajoor bwe en maroñ tarin̦aeik RiPilistia ro, ak Samson ear kõm̦m̦ane juon pepe ejjab em̦m̦an. Kõn men in, RiPilistia ro rar jibwe im bõke.
