Pîska 6 tâ krikanka
Pramis tasbaya ra Israel uplika nani ba las kat wan, bara Gâd tintka watla ba kasak mayunaia pliska pali takan. Prîs nani ba Lâ smalki kan, bara wihta nani ba kuntri tâ bri kan. Na pîska na marikisa upla kum lukanka bara daukanka nani ba sip sa karna munaia upla wala nani ra. Israel uplika kumi bani ai walka bara Jehova mawan ra kasak daukaia kan. Débora, Noemí, Jasua, Ana, Jefté luhpia mairin bara Samuil diara tara daukan ba dukiara param aisas. Param sâks kum kum ba Israel uplika apia kan, Rahab, Rut, Jael bara Gabaón uplika nani baku, aitani lukan Israel uplika nani ra tâ baikaia, kan nu kan Gâd witin nani wal sa.
NAHA PÎSKA RA
SMALKANKA 29
Jehova Jasua ra wahbi sakisa
Gâd Jasua ra adar nani yabisa yawan ra sin sip sa hilp wan munaia.
SMALKANKA 30
Rahab biki kakaira nani ra yukukisa
Jeriko kutbanka nani ba slingwisa. Rahab watla ba slingwras sa, kutbanka ra kan sakuna.
SMALKANKA 31
Jasua bara Gabaón uplika nani
Jasua Gâd ra makabisa lapta ba takaskbia. ¿Gâd ansa munisa ai pura sunra ba?
SMALKANKA 32
Tâ upla raya kum bara mairin kupia karnakira wâl
Jasua pruisa, Israel uplika nani aidul ra mayunisa. Baha trabil bri balisa, kuna wihta Barac, hilp munanka brisa, prapit mairin Débora bara Jael ai tintka watla dusa tatwa wal.
SMALKANKA 33
Rut bara Noemí
Piarka wâl Israel ra tawi aula. Baha mairka nani tila wina kum, Rut, insla kum ra wark takaia wan. Bahara Booz ra kakaira takisa.
SMALKANKA 34
Gedeón Madián uplika nani ra pura luisa
Israel uplika nani Jehova ra hilp makabisa kan Madián uplika nani mita saura munisa. ¿Nahki Gedeón suldiarka wiria ba ai waihla 135.000 ra pura luisa?
SMALKANKA 35
Ana Jehova ra luhpa waitna kum makabisa
Elcaná, Ana, Peniná bara ai luhpia nani brih wisa tint watla Siló ra Gâd ra mayunaia. Bahara, Ana Jehova ra luhpa waitna kum makabisa. Mani kum ningkara, Samuil aisubi takisa.
SMALKANKA 36
Jefté pramiska ba
¿Jefté dîa pramis munisa? ¿Dîa muni baha pramiska daukan? ¿AI luhpia mairin nahki daukan ai aisa pramis daukan ba nu takan taim?
SMALKANKA 37
Jehova Samuil ra aisisa
Prîs tara Elí luhpia waitna nani ba tint watla ra prîs nani sa. Gâd lâka nani alki daukras sa. Wahma Samuil sât wala sa, bara tihmia kum Jehova witin ra aisisa.
SMALKANKA 38
Jehova Samson ra karnika yabisa
Gâd Samson ra karnika yabisa Filisteo uplika nani mapara aiklabia dukiara, kuna Samson daukaia lukanka saura kum brin taim, Filisteo uplika nani alkisa.
