Nu̱ú kíxaʼá táʼví 6
Na̱ ñuu Israel ni̱xa̱a̱na nu̱ú ñuʼú ña̱ ta̱xi Ndióxi̱ ndaʼa̱na, ña̱ tabernáculo kúú ña̱ xi̱xiniñúʼuna ña̱ ndasakáʼnuna Ndióxi̱. Na̱ su̱tu̱ sa̱náʼa̱na ley nu̱ú na̱ ñuu Israel, ta na̱ juez xi̱niʼina yichi̱ nu̱úna. Nu̱ú táʼvi yóʼo sakuaʼayó ña̱ kéʼé iin na̱ yiví kivi chindeéña inkana á taxiña tu̱ndóʼo ndaʼa̱na. Na̱ ñuu Israel xi̱niñúʼu va̱ʼaní ndakanixi̱nína xa̱ʼa ña̱ keʼéna nu̱ú Jehová xíʼin nu̱ú inkana. Ka̱ʼa̱n xa̱ʼa ñá Débora̱, ñá Noemí, ta̱ Josué, ñá Ana, ñá se̱ʼe ta̱ Jefté xíʼin ta̱ Samuel ña̱ va̱ʼaní ña̱ ke̱ʼéna ñuu nu̱ú ni̱xi̱yona. Saátu ka̱ʼa̱n xa̱ʼa sava na̱ kǒo níxikuu ñuu Israel, tá kúú ñá Rahab, ñá Rut, ñá Jael xíʼin na̱ ñuu Gabaón, na̱yóʼo nda̱kutáʼanna xíʼin na̱ ñuu Israel chi na̱kunda̱a̱-inina ña̱ íyo Ndióxi̱ xíʼin na̱yóʼo.
ÑA̱ SECCIÓN YÓʼO
LECCIÓN 29
Jehová nda̱ka̱xinra ta̱ Josué
Ña̱ ni̱ka̱ʼa̱n Ndióxi̱ xíʼin ta̱ Josué kivi chindeétáʼantuña xíʼinyó vitin.
LECCIÓN 30
Ñá Rahab chi̱se̱ʼéñá u̱vi̱ ta̱a
Ndúva nama̱ ñuu Jericó. Va̱ása nínduva veʼe ñá Rahab tá ndu̱va nama̱ ñuu Jericó.
LECCIÓN 31
Ta̱ Josué xíʼin na̱ ñuu Gabaón
Ta̱ Josué ni̱ka̱ʼa̱nra xíʼin Ndióxi̱ ña̱ ná kundichi ñu̱ʼu. ¿Á ke̱ʼé Ndióxi̱ ña̱ ni̱ka̱ʼa̱nra?
LECCIÓN 32
U̱vi̱ ná ñaʼá xíʼin iin ta̱a ta̱ ndakú-ini
Tá ni̱xi̱ʼi̱ ta̱ Josué na̱ ñuu Israel ki̱xaʼána ndásakáʼnuna ndióxi̱ vatá. Ña̱kán ndo̱ʼonína tu̱ndóʼo, soo ta̱ juez Barac chi̱ndeétáʼan xíʼinna saátu ñá Débora xíʼin ñá Jael.
LECCIÓN 33
Ñá Rut xíʼin ñá Noemí
U̱vi̱ ná ñaʼá ná ni̱xi̱ʼi̱ yií ndi̱kóná ñuu Israel. Iin ñáyóʼo kúú ñá Rut, ni̱xa̱ʼa̱nñá ka̱chíñuñá xíʼin ta̱ Boaz ta kán xi̱nirañá.
LECCIÓN 34
Ta̱ Gedeón na̱kuchiñura xíʼin na̱ ñuu Madián
Na̱ ñuu Israel ndúkúna ndée nu̱ú Jehová chi na̱ ñuu Madián kúni̱na kaʼníñaʼána. ¿Ndáaña ke̱’é na̱ soldado ta̱ Gedeón ña̱ va̱’a ku̱chiñuna xíʼin na̱ 135,000 soldado ñuu Madián?
LECCIÓN 35
Ñá Ana ndúkúñá iin se̱ʼeñá nu̱ú Jehová
Ta̱ Elcaná ku̱a̱ʼa̱nra xíʼin ñá Ana, xíʼin ñá Peniná xíʼin na̱ va̱lí se̱ʼeñá ña̱ ndasakáʼnuna Ndióxi̱ tabernáculo ña̱ íyo chí ñuu Siló. Yóʼo kúú nu̱ú ndúkú ñá Ana iin se̱ʼeñá nu̱ú Jehová. Tá ni̱ya̱ʼa iin ku̱i̱ya̱ ka̱ku ta̱ Samuel.
LECCIÓN 36
Ña̱ ni̱ka̱ʼa̱n ta̱ Jefté keʼéra
¿Ndáaña ni̱ka̱ʼa̱n ta̱ Jefté keʼéra? ¿Nda̱chun ni̱ka̱ʼa̱nra saá? ¿Ndáaña ndo̱ʼo ñá se̱ʼe ta̱ Jefté tá na̱kunda̱a̱-iniñá ña̱ ni̱ka̱ʼa̱nra keʼéra?
LECCIÓN 37
Jehová káʼa̱nra xíʼin ta̱ Samuel
Na̱ se̱ʼe ta̱ su̱tu̱ káʼnu Elí su̱tu̱ ni̱xi̱yotu na̱yóʼo ini ña̱ tabernáculo. Va̱ása níkandíxana ley Ndióxi̱. Ta̱ loʼo Samuel síín ni̱xi̱yora, ta iin ñu̱ú Jehová ni̱ka̱ʼa̱nra xíʼinra.
LECCIÓN 38
Jehová táxira ndée ndaʼa̱ ta̱ Sansón
Ndióxi̱ ta̱xira ndée ndaʼa̱ ta̱ Sansón ña̱ kanitáʼanra xíʼin na̱ ñuu Filistea, soo tá va̱ása níxiniso̱ʼo ta̱ Sansón, ti̱innara.
