Vimpande via mu Mutamba 6
Omo vaIsaleli va ka hetele mpundu mu Cifuti ci va va Kulahesele, tavenakulu ikeyo yemanenene ku lemesa ca vusunga kuze. Vasasendote va longesele masiko, kaha vangazi va tuamenenene cifuti. Uno mutamba ua muesa mpundu ngecize vutumbe vue ku linga muntu na vilinga vieni vi hasa ku kuata vakuavo. Ku ntsimbu ize nkala kaIsaleli ua kele na citeli kuli Yehova na ku vakuavo. Muesenu vati vutumbe na vilinga via Ndevola, Naomi, Yehosua, Hana, muana Yefeta ua mpuevo na Samuele via kuatele vantu muimbo liavo. Ntsindikenu ngecize cipue vaze ka va puile vaIsaleli ngeci mua Lahave, Lute na vakua Ngiveone va hanguile ku kala ku mutamba ua vaIsaleli muomu va tantekeyele ngecize Njambi ua kele navo.
MU MUTAMBA UNO
CILONGESA 29
Yehova a Hangula Yehosua
Njambi ua hele Yehosua masiko aze a hasa ku tu kuasa netu matangua ano.
CILONGESA 30
Lahave ua Suekele Vandondzi
Vivumbe via Yeliko via lundumukile. Vunoni ndzivo ya Lahave ka ya lundumukile vutuhu va i tungilile ku civumbe.
CILONGESA 31
Yehosua na Vakua Ngiveone
Yehosua ua vundilile kuli Njambi ngueni: “Litangua, mana ngoco!” Vuno Njambi ua mu kumbuluile ni?
CILONGESA 32
Ntuamena ua Muha na Vampuevo Vavali va ku Simpa
Mu nima ya ku-tsa ca Yehosua, vaIsaleli va putukile ku lemesa tumponia. Muono ua kaluuile, vunoni vukuasi vuezile ku hitila muli Ngazi Mbalake, Ndevola kapolofeto ua mpuevo na Yaele uze ua kele na mbambo ya ku mbalaka!
CILONGESA 33
Lute na Naomi
Vampuevo vavali va tsisile vamala vavo va hilukile ku Isaleli. Umo uavo Lute, ua ile mu ku panga mu lihia, muze mua ka muene Mboaze vilinga vieni via cili.
CILONGESA 34
Ngilione ua Vulile VaMindiane
Mu nima ya vaMindiane ku pakesa vaIsaleli, vantu va lambelele Yehova a va kuase. Vati Ngilione na civunga ca cindende ca masualale va vulile vitozi vavo va ku pua 135,000?
CILONGESA 35
Hana a Vundila Muana
Elekana ua ile hamo na Hana, Penina, na vanike ku tavenakulu ya ku Silo mu ku lemesa. Kuze, Hana ua Vundilile Muana. Mu nima ya muaka, Samuele ua semukile!
CILONGESA 36
Cikulaheso ca Yefeta
Cikulaheso cika ua lingile Yefeta, kaha omo lia vika? Vati ua lingile muana Yefeta mua vuile cikulaheso ca ise?
CILONGESA 37
Yehova a Handeka na Samuele
Sasendote ua Kama Eli ua kele na vana vavali va vamala va puile vasasendote ku tavenakulu, vunoni ka vononokele masiko a Njambi. Vutuhu Samuele ua puile kanike ua lisezele navo, kaha Yehova ua handekele neni.
CILONGESA 38
Yehova ua Puisile Samusoni Mukua Ngolo
Yehova ua puisile Samusoni mukua ngolo mu ku lua na vaFilisteo, vunoni omo Samusoni mua lingile vutumbe vua ku pihia, vaFilisteo va mu kuatele.
