Kampa peua tlaxeloli 6
Israeleuanij asitoj ipan nopa tlali tlen Jehová kintenkauilijtoya, uan kiueyichiuayayaj ipan tabernáculo. Sacerdotes temachtiyayaj toTeotsij itlanauatiljuaj, uan tetlajtolsenkauanij kinyakanayayaj israeleuanij. Ni tlaxeloli kinextia tlen se akajya kitlapejpenia kichiuas uan kej monejnemiltia uelis kinpaleuis sekinok o amo. Sejse israelejketl monekiyaya kinextis amo kitlauelkauaskia Jehová uan kinpaleuiskia sekinok. Xijnexti kenijkatsa tlen kichijkej Débora, Noemí, Josué, Ana, Jefté iichpoka uan Samuel kinpaleuik sekinok. Nojkia kenijkatsa maske sekij amo eliyayaj israeleuanij, kej Rahab, Rut, Jael uan gabaóneuanij, kinpaleuijkej israeleuanij pampa kimatiyayaj toTeotsij itstoya ininuaya.
TLEN NIKAJ ONKA
TLAMACHTILI 29
Jehová kitlapejpenik Josué
Tlen Jehová kiiljuik Josué nojkia uelis techpaleuis tojuantij.
TLAMACHTILI 30
Rahab kinpaleuik omej tlakamej
Maske uelonki nopa tepamitl tlen kiyaualojtoya altepetl Jericó, Rahab ichaj amo tleno kipanok maske eltoya ipan nopa tepamitl.
TLAMACHTILI 31
Josué uan gabaóneuanij
Josué kitlajtlanik toTeotsij ma moketsa nopa tonati. ¿Kichijki toTeotsij tlen Josué kitlajtlanik?
TLAMACHTILI 32
Se yankuik tlayakanketl uan omej siuamej katli amo majmajkej
Kema Josué mijki, israeleuanij pejkej kinueyichiuaj teotsitsij, yeka tlaijiyouijkej. Maske tlaijiyouiyayaj, nopa tetlajtolsenkajketl Barac, Débora uan Jael kinpaleuijkej.
TLAMACHTILI 33
Rut uan Noemí
Omej siuamej katli ayokmo kinpixtoyaj ininueuejuaj tlakuepilijkej Israel. Se eliyaya Rut, katli tekitik ipan milaj, uan nopaya Booz kiixmatki.
TLAMACHTILI 34
Gedeón kintlanki madiáneuanij
Israeleuanij kiiljuijkej Jehová ma kinpaleui pampa madiáneuanij tlauel kintlaijiyouiltiyayaj. ¿Kenijkatsa Gedeón uan itlateuijkauaj kintlankej nopa 135,000 madiáneuanij?
TLAMACHTILI 35
Ana kinekiyaya kipias se ipilkone
Elcana kinuikayaya Ana, Penina uan ikoneuaj ma kiueyichiuatij Jehová ipan tabernáculo ne Silo. Nopaya, Ana kiiljuik Jehová ma kimaka se ikone. Kema panok se xiuitl tlakatki Samuel
TLAMACHTILI 36
Tlen Jefté kiijtok kichiuas
¿Tlake kiijtok Jefté kichiuas, uan kenke kiijtok nopa? ¿Tlake kiijtok isiuapil kema kimatki tlen kiijtojtoya kichiuas?
TLAMACHTILI 37
Jehová kinojnotski Samuel
Maske ikoneuaj nopa sumo sacerdote Elí eliyayaj sacerdotes, amo kineltokayayaj toTeotsij itlanauatiljuaj. Samuel amo eliyaya kej inijuantij, uan se youali Jehová kinojnotski.
TLAMACHTILI 38
Jehová kimakak chikaualistli Sansón
ToTeotsij kimakak Sansón miak chikaualistli uan kiampa kinteuiskia filisteaeuanij. Sansón amo kuali kitlapejpenik tlen kichijki uan yeka filisteaeuanij kiitskijkej.
