Nikan peua sección 6
Israelitas oajsitoj itech tlali tlen Jehová okijto kinmakaskia uan okiueyichiuayaj Jehová itech tabernáculo. Teopixkej okinmachtiayaj israelitas iTlanauatil Jehová uan jueces okiyekanayaj altepetl. Itech ninmej tlamachtilmej tikitaskej ken uelis kinpaleuis noso kinmijtlakos oksekimej tlen tikchiuaj. Israelitas omonekiaya yetoskej yolmelajkej ixpan Jehová uan inmixpan oksekimej. Xikijto ken otlapaleuijkej itech inmialtepe Débora, Noemí, Josué, Ana, ichpoch Jefté uan Samuel. Noijki xikijto oksekimej maski amo okatkaj israelitas ken Rahab, Rut, Jael uan gabaonitas okinpaleuijkej israelitas porque okimatiayaj toTajtsin Dios inmiuan okatka.
ITECH NIN SECCIÓN
TLAMACHTIL 29
Jehová okipejpenki Josué
ToTajtsin Dios okinauati Josué ma kichiua seki tlamantli tlen tejuan noijki uelis tikchiuaskej.
TLAMACHTIL 30
Rahab okintlati akinmej ichtaka otlachiatoj
Tepamitl tlen okiyaualoaya Jericó ouetski. Pero ikalijtik Rahab amo ouetski maski okatka itech non tepamitl.
TLAMACHTIL 31
Josué uan gabaonitas
Josué okilui toTajtsin Dios ma moketsa Tonaltsin. ¿Okinankili toTajtsin Dios?
TLAMACHTIL 32
Se tlayekanki yolkuali uan ome siuamej yolchikauakej
Ijkuak Josué omikik, israelitas opejkej kinueyichiuaj oksekimej dioses. Ik non, okipixkej ouijkayotl, pero juez Barac, siuatl teotlajtojki Débora uan Jael okinpaleuijkej israelitas.
TLAMACHTIL 33
Rut uan Noemí
Ome siuamej tlen omikej innamik omokuepkej altepetl Israel. Se okatka Rut uan otekitiaya itlala Boaz.
TLAMACHTIL 34
Gedeón okintlanili madianitas
Israelitas okiluijkej Jehová ma kinpaleui porque madianitas okintlajyouiltiayaj. ¿Ken tlatlaniskiaj Gedeón uan 300 soldados tla moteuiskiaj iuan 135,000 soldados?
TLAMACHTIL 35
Ana okitlatlaujti Jehová ma kimaka se ikone
Elcaná, Ana, Peniná uan ikoneuan oyajkej altepetl Siló okiueyichiuatoj Jehová itech tabernáculo. Ompa, Ana okitlatlaujti Jehová ma kimaka se ikone. Se xiuitl satepan, oneski Samuel.
TLAMACHTIL 36
Jefté okitemakak itlajtol
¿Tlen okijto Jefté kichiuaskia? ¿Tleka ijkon okijto? ¿Tlen okichi ichpoch Jefté ijkuak okimatki itajtsin okitemakak itlajtol?
TLAMACHTIL 37
Jehová okitlapoui Samuel
Ikoneuan Elí okatkaj teopixkej uan otekitiayaj itech tabernáculo. Pero amo okitlakamatiayaj toTajtsin Dios. Samuel amo okichiuaya ken yejuan uan se yoak, Jehová okitlapoui.
TLAMACHTIL 38
Jehová okimakak miak chikaualistli Sansón
Totajtsin Dios okimakak miak chikaualistli Sansón para moteuiskia iuan filisteos, pero Sansón itlaj amo kuali okichi, ik non, filisteos ueli okikitskijkej.