Efalomo lyoshitopolwa oshi-6
Sho Aaisraeli ya thiki mEvi lyEuvaneko, etsalihangano olyo lya ningi ondingandinga yelongelokalunga lyashili. Aayambi oya li ya longo aantu Ompango, naatokolihapu oya wilike oshigwana. Oshitopolwa shika, otashi ulike nkene omatokolo noonkatu dhomuntu tayi vulu okunwetha mo unene yalwe. Omuisraeli kehe okwa li e na oshinakugwanithwa kuJehova nokaantu ooyakwawo. Tsa omuthindo nkene Debora, Naemi, Josua, Hanna, omwanakadhona gwaJefta nosho wo Samuel ya li oshiholelwa oshiwanawa kaantu yomomidhingoloko dhawo. Popya wo kutya naamboka kaaya li Aaisraeli, ngaashi Rahab, Rut, Jael nosho wo Aagibeon, oya li ya tokola ya game kombinga yAaisraeli. Oye shi ningi, molwashoka oya li ye shi kutya Kalunga okwa li pamwe nAaisraeli.
MOSHITOPOLWA SHIKA
OSHIILONGOMWA 29
Jehova okwa hogolola Josua
Kalunga okwa li a pe Josua omalombwelo ngoka taga vulu oku tu kwathela wo nokunena.
OSHIILONGOMWA 30
Rahab okwa holeke oondaadhi
Omakuma goshilando Jeriko ga kumuka po, ihe egumbo lyaRahab inali kumuka po.
OSHIILONGOMWA 31
Josua nAagibeon
Josua okwa galikana kuKalunga a ti: “Tango, kankama thilu.” Mbela Kalunga okwa li ngaa e mu yamukula?
OSHIILONGOMWA 32
Omuwiliki omupe naakiintu yaali omapenda
Konima sho Josua a si, Aaisraeli oya tameke okulongela iikalunga. Onkalamwenyo yawo oya ningi ondhigu, ihe oya li ya mono ekwatho okupitila momutokolihapu Barak, momupolofeti omukiintu Debora nosho wo kuJael nomboha ye yotenda
OSHIILONGOMWA 33
Rut naNaemi
Aakiintu yaali mboka ya silwa aasamane yawo, oya galukile kuIsraeli. Gumwe gwomuyo oRut, ngoka a yi a ka longe mepya, moka a dhimbululwa kuBoas.
OSHIILONGOMWA 34
Gideon okwa sindi Aamidiana
Aaisraeli oyi indile ekwatho kuJehova, konima sho Aamidiana ya kala noku ya monitha iihuna. Ongiini etangakwiita eshona lyaGideon lya sindi aakwiita 135 000?
OSHIILONGOMWA 35
Hanna ta galikana a mone okanona kokamati
Elkana okwa li a kutha Hanna, Peninna naanegumbo ye ayehe ya ka galikane ketsalihangano kuShilo. Hanna ta galikana a mone okanona kokamati. Konima yomumvo, Samuel okwa valwa
OSHIILONGOMWA 36
Euvaneko lyaJefta
Jefta okwa li a ningi euvaneko lini, nomolwashike? Omwanakadhona gwaJefta okwa li i inyenge ngiini keuvaneko lyahe?
OSHIILONGOMWA 37
Jehova ta popi naSamuel
Oyanamati yOmuyambi Omukuluntu Eli, oya li haya longo ye li aayambi metsalihangano, ihe kaya li haya vulika koompango dhaKalunga. Omugundjuka Samuel okwa li ha vulika, na Jehova okwa li a popi naye.
OSHIILONGOMWA 38
Jehova okwa nkondopaleke Simson
Kalunga okwa nkondopaleke Simson, opo a kondjithe Aafilisti, ihe Simson sho a ningi etokolo lya puka, Aafilisti oye mu kwata po.
