Itech tlen tlajtos sección 6
Ijkuak israelitas oajsikej ipan tlajli tlen toTajtsin yokijtoka kinmakas, opeujkej kiueyichiuaj toTajtsin ipan tabernáculo. Teopixkej temachtiayaj Tlanauatijli, niman jueces okiyekankej kalpan. Yejuin sección techmachtia ika tlen tiktlapejpeniaj niman tlen tikchiuaj uelis kinpaleuis noso kimijtlakos oksekimej. Nochimej israelitas nonekiya yolmelaujkanemiskej itech Jehová niman intech oksekimej. Xteititi ika ken onoyekankej Débora, Noemí, Josué, Ana, ichpoch Jefté niman Samuel melak okinpaleui miyekej kampa chantiyaj. Kuajli xteititi ika maski sekimej xkatkaj israelitas ken Rahab, Rut, Jael niman gabaonitas okitlapejpenijkej nouikaskej inuan israelitas pampa kimatstoyaj ika toTajtsin inuan nemiya.
IPAN YEJUIN SECCIÓN
TLAMACHTIJLI 29
Jehová okitlapejpeni Josué
ToTajtsin okimakak tlanauatiltin Josué tlen noijki uelis techpaleuiskej.
TLAMACHTIJLI 30
Rahab okimiyan ichtakatlachixkej
Itepanuan Jericó xoxotonij. Ikal Rahab xouets maski onkatka ipan itepanuan ueyikalpan.
TLAMACHTIJLI 31
Josué niman gabaonitas
Josué okijli toTajtsin ipan teoyotl: “Tonaltsintli xmotelti”. ¿Kikakiskia toTajtsin?
TLAMACHTIJLI 32
Se yenkuik tlayekanketl niman omemej siuamej yolchikaujkej
Ijkuak Josué omik, israelitas opeuj kiueyichiuaj tajtsitsintin. Yejon kichiua makipiyakan tlaueltin, san ika, kinpaleuiya Barac akin juez katka, teotlajtoketl Débora niman Jael ika se tlakotl yekapitstik.
TLAMACHTIJLI 33
Rut niman Noemí
Ome siuakaualtsitsintin nokuepaj Israel. Semej itech yejuin siuamej, Rut, okipejpenato cebada, ompa kixmati Boaz.
TLAMACHTIJLI 34
Gedeón okintlan madianitas
Israelitas kitlajtlaniliaj Jehová makinpaleui ijkuak madianitas kintlajyouiltiaj, ¿kenon sa ika achijtsitsintin isoldados Gedeón okintlankej 135,000 intlauelikniuan?
TLAMACHTIJLI 35
Ana okitlajtlan ipan teoyotl se ikoneuj
Elcaná kuika Ana, Peniná niman ikoneuan konueyichiuaj toTajtsin ipan tabernáculo ipan Siló. Ompa Ana kitlajtlanilia Jehová se ikoneuj. Panoua se xiuitl niman tlakati Samuel.
TLAMACHTIJLI 36
Itlajtolkaualis Jefté
¿Katlejua tlajtolkaualistli okichiuj Jefté niman tleka? ¿Tlenon okijto ichpoch ijkuak okimat yejon?
TLAMACHTIJLI 37
Jehová okinots Samuel
Ome ikoneuan ueyi teopixketl Elí tekitiyaj ken teopixkej ipan tabernáculo, san ika, yejuamej xkitlakamatiyaj itlanauatiluan toTajtsin. Telpokatsin Samuel xijkon katka. Se yeuajli Jehová okinots.
TLAMACHTIJLI 38
Jehová okichiuj ika Sansón makojtik
ToTajtsin kimaka kojtilistli Sansón niman ijkon makimixnamiki itlauelikniuan, san ika, ijkuak yejua xkuajli tlen kitlapejpenia, filisteos kajsij.
