Onondaka Mbokuhimbika Onthele 6
Etyi ova Isilayeli vehika Motyilongo Valaelwe, ekaka alikala omphangu yefendelo liotyotyili. Ovanene-nawa avalongesa ovanthu Otyitumino iya ovakoyesi avevehongolela. Onthele ei ilekesa nawa oñgeni omatokolo, nevi omunthu alinga vikalesa vakuavo. Kese mu Isilayeli ankho una otyilinga konthele ya Jeova novanthu vae. Ipopia unene oñgeni Debora na Noemi na Josue na Ana na nomona wa Jeosafa na Samuel vakalesa ovanthu. Ipopia okuti alo umwe vana vehe va Isilayeli ngetyi Raabe na Rute na Jael, no va Gibeau, vatokolele okukala konthele yo va Isilayeli mokonda vetyimona okuti Huku ukahi navo.
MONTHELE EI
ELONGESO 29
Jeova Uholovona Josue
Huku wavela ondonga Josue mbupondola okutukuatesako hono, muetyi tuesukisa.
ELONGESO 30
Raabe Uholeka Ovalavi
Ovimato vio Jerikoo viatokapo. Mahi ondyuo ya Raabe otualako tyitai, namphila yatungwa kotyimapo.
ELONGESO 31
Josue no va Gibeau
Josue ulikuambela ku Huku okuti: “Ekumbi, litalame!” Okuti Huku wakumbulula?
ELONGESO 32
Onkhalamutwe Omphe Novakai Vevali Vakola Omitima
Etyi Josue ankhia, ova Isilayeli avahimbika okufenda ovilolo. Omuenyo ankho wepuiya, mahi eyovo alitundu Komukoyesi Barake, nomuuli Debora, na Jael mekaka liae!
ELONGESO 33
Rute na Noemi
Ovakai vevali etyi ovalume vavo vankhia vakondoka ko Isilayeli. Omukai umwe itiwa, Rute, aende kepia, kuna avasiwa na Boasi.
ELONGESO 34
Gideau Ufinda Ova Midiaa
Etyi ova Midian vanonesa ononkhumbi ova Isilayeli, ovanthu avahimbika okuita ombatelo ku Jeova. Oñgeni omafualali ehehi a Gideau matyivili okufinda omafualali 135.000?
ELONGESO 35
Ana Ulikuambela Opo Akale Nomona
Elkana utuala Ana na Penina novana opo vakafende kondyuo ya Huku ko Siloo. Etyi vehika, Ana elikuambela opo akala nomona. Omanima amwe konyima, Samuele atyitwa!
ELONGESO 36
Omulao wa Jefete
Omulao patyi Jefete alinga iya omokonda yatyi? Oñgeni omona wa Jefete akala etyi eiva omulao wa tate yae?
ELONGESO 37
Jeova Upopia na Samuele
Ovana vevali vomunene Nakwa Eli vaundapa mekaka liefendelo mahi ankho kavetavela ovitumino via Huku. Omona Samuele ankho welikalela. Jeova apopi na Samuele.
ELONGESO 38
Jeova Wavela Sansau Ononkhono
Huku wavela Sansou ononkhono opo akalwe no va Filisteu, mahi etyi Sansou alinga etokolo evi, ova Filisteu avemukuate.