Ebirikwanjura Ekicweka 6
Abaisraeli ku baahikire omu Nsi Eyaraganisiibwe, ihema rikaba omwanya mukuru gw’okuramya okw’amazima. Abanyamurwa bakaba beegyesa Ebiragiro, kandi abaramuzi beebembera ihanga. Ekicweka eki nikyoreka oku ebi abantu barikucwamu n’ebi barikukora birikubaasa kukwata aha bandi. Buri Mwisraeli akaba aine obujunaanizibwa ahari Yehova n’abagyenzi be. Yoreka oku ebi Debora, Naomi, Yoshua, Hanna, muhara wa Yefusa, na Samueli baakozire byakwatsire aha baabaire bari omu bicweka byabo. Kandi oyoreke n’oku abo abaabaire batari Baisraeli, nka Rahabu, Ruusi, Yayeli, n’Abagibeoni, baacwiremu kushagika Abaisraeli ahabw’okumanya ngu Ruhanga akaba ari nabo.
OMU KICWEKA EKI
EISHOMO 29
Yehova Akatoorana Yoshua
Ruhanga akaha Yoshua obuhabuzi oburikubaasa kutuhwera obunaku obu.
EISHOMO 30
Rahabu Akashereka Entatsi
Ebisiika bya Yeriko bikagwa ahansi. Kwonka enju ya Rahabu ekagumaho, n’obu eraabe yaabaire eyombekire aha kisiika.
EISHOMO 31
Yoshua n’Abagibeoni
Yoshua akashaba Yehova naagira ati: “Iwe eizooba ‘we, yemerera” Mbwenu shi Yehova akamugarukamu?
EISHOMO 32
Omugabe Musya n’Abakazi Babiri Emanzi
Bwanyima y’okufa kwa Yoshua, Abaisraeli bakatandika kuramya ebishushani. Embeera zikaguma, kwonka omuramuzi Baraki, nabikazi Debora, na Yayeli n’enkondo ye y’eihema bakahwera.
EISHOMO 33
Ruusi na Naomi
Abakazi babiri abu ba ibabo baafiire bakagaruka Israeli. Omwe aharibo, Ruusi, akaza kuhumba omu misiri, ahu Boazi yaamureebiire
EISHOMO 34
Gideoni Akasingura Abamidiani
Bwanyima y’Abamidiani kureetera Abaisraeli kutiina, Abaisraeli bakeeshengereza Yehova kubahwera. Abashaija ba Gideoni bakye bakasingura bata abaserukare abazigu 135,000?
EISHOMO 35
Hanna Akashaba Omwana w’Omwojo
Elukaana akatwara Hanna, Penina, hamwe n’abaana omu ihema Shiilo kuramya. Ku baabaire bariyo, Hanna akashaba omwana w’omwojo. Omwaka ogwakuratsireho, akazaara Samueli.
EISHOMO 36
Okuraganisa kwa Yefusa
Yefusa akaraganisa ki, kandi ahabw’enki? Muhara wa Yefusa akatwara ata okuraganisa kwa ishe?
EISHOMO 37
Yehova Okugamba na Samueli
Batabani b’omunyamurwa omukuru Eli bakaba nibaheereza nk’abanyamurwa aha ihema, kwonka bakaba batarikworobera ebiragiro bya Ruhanga. Samueli akaba ari ow’omutaano. Ekiro kimwe Yehova akagamba na Samueli.
EISHOMO 38
Yehova Akaha Samusooni Amaani Maingi
Ruhanga akaha Samusooni amaani maingi ngu arwanise Abafilistia, kwonka Samusooni ku yaacwiremu kubi, Abafilistia bakamukwata.