Ẹzẹkoko ọrẹ Oghọn 6
Ọke emọ Israel a vabu te Otọre Ive na, tabernacle na no mo rhiẹ ekete aye a ha ẹga urhomẹmro phia. Irherẹn ye yono ihworho Urhi na, iguẹnzọn nọ ya ha ọkpọvi rẹn ihworho na. Oghọn ọnana ọ ta kpahen oborẹ irueruo ọrhẹ orhienbro ohworho o ru hobọte awọrọ. O fori nẹ emọ Israel na i sẹrorẹ atamwu kpahen i Jehova ọrhẹ ereva aye. Karunumwu oborẹ omamọ uruemru Deborah, Naomi, Joshua, Hannah, ọmọ ọgbọtọ i Jephthah, ọrhẹ i Samuel o ru hobọte ihworho uvuẹn ekete aye e rhirhiẹ. Jeghwai karunumwuie taghene ihworho ri vwe rhiẹ emọ Israel jerẹ Rahab, Ruth, Jael, ọrhẹ itu Gibeon, i brorhiẹn rẹ aye ine kwomakugbe emọ Israel nime aye i rheri taghene i Jehova rhẹ aye i gba havwiẹ.
IN THIS SECTION
UYONO 30
Rahab o ti Idọrhẹ na nu
Ugbomoghwa amwa i Jericho nọ ghwọghọ totọre. Ọrẹn, oghwa i Rahab rọ ha ugbomoghwa amwa na o se-e.
UYONO 31
Joshua Ọrhẹ itu i Gibeon
Joshua ọ nẹrhomo vwe i Jehova nẹ ọke na o jo rho se. Osolobrugwẹ ọ kpahenrhọ ye?
UYONO 32
Ohworho Ọrọrọ ro sun emọ Israel Ọrhẹ Emẹse Awanva ri Fiudugbere
Ọke i Joshua o hwu hin, emọ Israel na ha ẹga rẹn ema. Akpọ nọ mọ gbanhon rẹn aye, ọrẹn, ne simi rẹ aye nyoma Oguẹnzọn Barak, ọmẹraro ọmase Deborah, ọrhẹ ighele ri Jael o vwori!
UYONO 33
Ruth ọrhẹ Naomi
Emẹse awanva rẹ esa aye i hwuru ni ghwẹrioma riẹ Israel. Owu usuẹn emẹse na no yo gbugbon uvuẹn ikebi, avwaye Boaz nọ djokarhọ ye.
UYONO 34
Gideon o fi itu i Midian Kparobọ
Ọke itu i Midian a ha oja riẹ emọ Israel, aye ni rẹ i Jehova nọ sa aye erhumu. Marhẹ isodja i Gideon ri vwe bun i ru fi isodja itu i Midian ri te 135,000 kparobọ?
UYONO 35
Hannah ọ Nẹrhomo no Vwiẹ ọmọ Ọhworhare
Elkanah, Hannah, Peninnah, ọrhẹ emọyen i riẹ ogame uvuẹn i tabernacle rọ ha obẹ i Shiloh. Avwaye, Hannah nọ nẹrhomo no vwiẹ ọmọ ọhworhare. Uvwre ẹgbukpe owu, Hannah no vwiẹ i Samuel!
UYONO 36
Ive i Jephthah
Ive ọgo yi Jephthah o veri? Me yẹ ọmọ ọgbọtọ i Jephthah o ru kpahen ive ọsẹ ye na?
UYONO 37
Jehova ọ Tẹmro rẹn i Samuel
Emọ Orherẹn Oduado Eli awanva a ga ẹrhẹ irherẹn uvuẹn i tabernacle na, ọrẹn aye i vwa huvwele Osolobrugwẹ-ẹ. Samuel ro rhiẹ uphuphẹn ọ vẹnẹren, Jehova nọ tẹmro riẹn.
UYONO 38
Jehova ọ yẹ i Samson Omẹgbanhon
Osolobrugwẹ ọ yẹ i Samson omẹgbanhon nọ sabu lele itu i Philistine na wọnrọn, ọrẹn ọke i Samson o brorhiẹn rọ sọre, itu i Philistine na ni mwu rien.
