Seensa Kutaa 6
Israaʼelonni dhuma irratti Biyyattii Abdachiifamte yommuu gaʼan, godoo qulqullaaʼaan gidduu gala waaqeffannaa dhugaa taʼe. Luboonni Seera barsiisu, abootiin murtii immoo sabichaaf qajeelfama kennu turan. Kutaan kun murtoon ykn gochi nama tokkoo warra kaan irratti dhiibbaa guddaa geessisuu akka dandaʼu ibsa. Israaʼeloonni hundi, Yihowaa fi nama akka isaanii ilaalchisee itti gaafatamummaa qabu. Deboraan, Naaʼomiin, Iyaasuun, Haannaan, intalli Yiftaa fi Saamuʼel dhiibbaa akkamii geessisanii akka turan ibsaa. Namoonni Israaʼeloota hin taane kan akka Rahaab, Ruut, Yaaʼelii fi warra Giibeʼon jiran illee, Waaqayyo isaanii wajjin akka jiru waan hubataniif Israaʼeloota cinaa hiriiruuf murteessuu isaanii ibsaa.
KUTAA KANA KEESSATTI
BARUMSA 29
Yihowaan Iyaasuu Filate
Qajeelfamni Waaqayyo Iyaasuudhaaf kenne yeroo harʼaattis nu fayyada.
BARUMSA 30
Rahaab Basaastota Dhoksite
Dallaan Yerikoo ni jige. Manni Rahaab inni dallichatti maxxanee ijaarame garuu hin jigne.
BARUMSA 31
Iyaasuu fi Giibeʼonota
Iyaasuun, “Ati yaa biiftuu nana dhaabadhu!” jedhee Yihowaa kadhate. Yihowaan deebii isaaf kenneeraa?
BARUMSA 32
Geggeessaa Haaraa fi Dubartoota Ija Jabeeyyii Lama
Iyaasuun erga duʼee booda Israaʼelonni waaqayyolii sobaa waaqeffachuu jalqaban. Jireenyi ulfaata taʼus karaa Baaraaq, Deboraa fi Yaaʼel gargaarsa argataniiru!
BARUMSA 33
Ruutii fi Naaʼomii
Dubartoonni lamaan abootiin manaa isaanii irraa duʼan gara Israaʼelitti deebiʼan. Dubartoota sana keessaa tokko Ruut qarmii funaannachuu kan deemte siʼa taʼu, yeroo kanatti Boaz ishii arge.
BARUMSA 34
Giidewon Miidiyaanota ni Moʼe
Miidiyaanonni Israaʼelootatti jireenya yommuu hadheessan Israaʼeloonni Yihowaa kadhatan. Loltooni Giidewon loltoota diinaa 135,000 moʼuu kan dandaʼan akkamitti?
BARUMSA 35
Haannaan Ilma Argachuuf Kadhatte
Elqaanaan Haannaa, Phiniinaa fi ijoollee wajjin waaqeffannaaf Shiiloo deema ture. Haannaanis ilma argachuuf kadhatte. Waggaa tokko boodas Saamuʼeliin ni deesse!
BARUMSA 36
Waadaa Yiftaan Gale
Yiftaan waadaa akkamii gale, maaliifi? Intalli Yiftaa waadaa abbaan ishii gale ilaalchisee maal jette?
BARUMSA 37
Yihowaan Saamuʼelitti Dubbate
Elii lubni ol aanaan ilmaan godoo qulqullaaʼaa keessa tajaajilan lama qaba ture, taʼus isaan seera Waaqayyoof hin ajajaman turan. Saamuʼel mucichi isaan irraa adda ture. Yihowaanis isatti dubbate.
BARUMSA 38
Yihowaan Siimsoniif Humna Guddaa Kenne
Waaqayyo Siimson Filisxeemota akka waraanuuf humna guddaa isaaf kenne, yeroo Siimson murtoo dogoggoraa godhetti garuu Filisxeemonni isa qaban.