Introduksion ed Seksion 6
Nen akasabin siansia iray Israelita ed Insipan a Dalin, diad tabernakulo so lalaen na totoo pian mandayew ed tuan Dios. Saray saserdote so angibangat ed Ganggan, tan saray ukom so nagmaliw ya lider na Israel. Nanengneng ed sayan seksion ya saray desisyon tan gagawaen na sakey a too et baleg so epekto to ed arum. Kada Israelita et walay responsabilidad tod si Jehova tan ed kapara ton too. Idanet ya baleg so agawaan nen Debora, Noemi, Josue, Hana, anak nen Jefte, tan Samuel pian natulongan iray totood lugar da. Idanet met ya anggan saray aliwan Israelita, ya singa si Rahab, Ruth, Jael, tan saray Gibeonita, et pinmanig ed saray Israelita lapud amta ran tutulongan ira na Dios.
DIAD SAYAN SEKSION
LEKSION 29
Pinili nen Jehova si Josue
Wala ray imbilin na Dios ed si Josue ya makatulong met ed sikatayo natan.
LEKSION 30
Inyamot nen Rahab Iray Espiya
Ageba so padir na Jerico. Balet ag-aderal so abung nen Rahab, anggano wala itan ed padir.
LEKSION 31
Si Josue tan Saray Gibeonita
Impikasi nen Josue ed Dios ya agkomon onselek so agew. Inebatan kasi na Dios so pikakasi to?
LEKSION 32
Sakey ya Balon Lider tan Duaran Matapang ya Bii
Nen inatey lay Josue, nandayew iray Israelita ed saray dios ya aliwan tua. Inmirap so bilay da, balet tinulongan ira na Dios panamegley na ukom ya si Barak, si Debora ya propetesa, tan si Jael ya angalay palpal na tolda!
LEKSION 33
Si Ruth tan si Noemi
Pinmawil ed Israel so duaran bibii ya parehon inatey so asawa ra. Sakey ed saratan si Ruth, ya linman mankimey diad alog, tan ditan et sikatoy naimano nen Boaz.
LEKSION 34
Tinalo nen Gideon Iray Midianita
Nen pinairap na saray Midianita iray Israelita, akikasi rad si Jehova ya tulongan to ra. Panon ya tinalo na dagdaiset ya sundalo nen Gideon so 135,000 ya sundalon kalaban da?
LEKSION 35
Impikasi nen Hana ya Nawalaan na Anak a Laki
Impila nen Elkana si Hana, Penina, tan say interon pamilya to pian mandayew ed tabernakulo diad Silo. Diman et nampikasi si Hana ya nawalaan komon na anak a laki. Kayari sakey taon, niyanak si Samuel!
LEKSION 36
Say Promise nen Jefte
Antoy im-promise nen Jefte, tan akin? Antoy reaksion na marikit nen Jefte ed promise na ama to?
LEKSION 37
Akitongtong si Jehova ed si Samuel
Say duaran anak na Atagey ya Saserdote ya si Eli et manlilingkor ya saserdote diad tabernakulo, baleg agda uunoren iray ganggan na Dios. Duma si Samuel, tan akitongtong si Jehova ed sikato.
LEKSION 38
Ginawa nen Jehova ya Mabisbiskeg si Samson
Si Samson et ginawa na Dios ya mabisbiskeg pian labanan to ray Filisteo, balet nen alingo si Samson ed desisyon to, narel na saray Filisteo.