Enleidunk fa daut 6. Poat
Aus de Israeliten schlieslich en daut vesproakne Launt nenkjeemen, wort daut Aunbädungszelt doa de wichtichste Städ fa de woare Aunbädunk. De Priestasch lieeden aundre daut Jesaz un de Rechtasch leiden daut Volkj aun. En dit Poat kjemt daut rut, woo väl eenen Mensch siene Entscheidungen un Woakjen aun aundre doonen kjennen. Jieda Israelit haud eene Veauntwuatunk – bie Jehova un uk bie de Menschen. Wiest june Kjinja, waut Debora, Noomi, Josua, Hana, Jefta siene Dochta un Samuel fa een Läwen fieeden un waut daut aun aundre deed. Moakt daut uk gaunz dietlich, daut mau rajcht eenje, waut nich Israeliten wieren, soo aus Rahab, Rut, Jael un de Gibeonita, sikj opp de Israeliten äare Sied stalden, wäajen dee enworden, daut Gott met dee wia.
EN DIT POAT
KAPITEL 30
Rahab vestakjt de Spionen
De Mia von Jericho kjeiweld om! Oba Rahab äa Hus, waut doa aune Mia wia, bleef stonen.
KAPITEL 32
Een frescha Leida un twee äwanämende Frues
No Josua sienen Doot bäden de Israeliten Jetta aun. Daut Läwen wort schwoa, oba de Rechta Barak, de Profeetin Debora un Jael met äaren Zeltstekjel holpen de Israeliten.
KAPITEL 33
Rut un Noomi
Twee Wätfrues kjeemen trigj no Israel. Rut, eene von dee, schauft oppe Stap un doa lieed Boas ar kjanen.
KAPITEL 34
Gideon jewent de Midianita
Aus de Midianita de Israeliten daut Läwen vebetren deeden, fruach daut Volkj Jehova no Help. Woo kunn Gideon siene kjliene Armee 135 000 Soldoten jewennen?
KAPITEL 35
Hana bät om eenen Sän
Elkana neem Hana, Peninna un de Kjinja met no daut Aunbädungszelt en Silo. Doa bäd Hana om eenen Sän. Een Joa lota wort Samuel jebuaren.
KAPITEL 36
Jefta sien Vespräakjen
Waut vespruak Jefta, un wuarom? Waut deed Jefta siene Dochta, aus dee hieed, waut äare Pape vesproaken haud?
KAPITEL 37
Jehova rät to Samuel
Dän Huagen Priesta Eli siene twee Junges wieren Priestasch bie daut Aunbädungszelt, oba dee jehorchten Gott nich. Samuel wia aundasch, un eene Nacht räd Jehova to dän.
KAPITEL 38
Jehova jeef Simson Krauft
Gott jeef Simson Krauft, daut dee jäajen de Filista feiten kunn, oba aus Simson waut faulsch deed, kunnen de Filista dän faustnämen.