Audepen Pali 6
Ni ahnsou me mehn Israel ko lelahng nan Sapwen Inowo, impwal sarawio wiahla wasahn kaudok mehlel. Samworo kan kin padahngki Kosonnedo, oh sounkopwung kan kin kaweid wehio. Pali wet kin kasalehda duwen en aramas emen eh pilipil kan oh wiewia kan eh kak kamwakid meteikan. Emenemen mehn Israel kan ahneki pein arail pwukoa ong Siohwa oh mehn Israel teikan. Kasansalehda ia duwen Depora, Naomi, Sosua, Ana, nein Sepda serepeino, oh Samuel ar kamwakid aramas akan nan arail wasa. Pil kasansalehda ekei me kaidehn mehn Israel kan, me duwehte Reap, Rud, Sael, oh mehn Kipeon kan, arail pilada en iangala mehn Israel kan pwehki arail ese me Koht kin ketin ieiang irail.
IN THIS SECTION
IREN MEHN KASUKUHL 29
Siohwa Ketin Pilada Sosua
Koht ketikihong Sosua kaweid kan me pil kak sewese kitail rahnwet.
IREN MEHN KASUKUHL 30
Reap Karukehla Lipoahrok Riemeno
Kehl en Seriko rengkpeseng oh pwupwudi. Ahpw imwen Reap mihmihte, mendahki eh kokouda pohn kehlo.
IREN MEHN KASUKUHL 31
Sosua oh Mehn Kipeon kan
Sosua kapakapkihong Koht: “Ketipin, Uhdi!” Koht ketin sapeng?
IREN MEHN KASUKUHL 32
Kaun Kapw Men oh Lih Kommwad Riemen
Mwurin Sosua eh mehla, mehn Israel kan tepida kaudokiong dikedik kan. Mour apwalla, ahpw sawas kohsang Sounkopwung Parak, soukohp lih Depora, oh tuhkehn en Sael impwalo!
IREN MEHN KASUKUHL 33
Rud oh Naomi
Lih riemen me ara pwoud ko melahr pwurala Israel. Emen lih ako, Rud, kohla doadoahk nan mwaht ako, wasao me Pohas kilangada ih.
IREN MEHN KASUKUHL 34
Kalowehdi Mehn Midian kan
Mwurin mehn Midian kan kahpwalihala en mehn Israel kan ar mour, aramas en Israel ko peki sawas rehn Siohwa. Ia duwen nein Kidion sounpei ko ar kalowehdi ar imwintihti 135,000?
IREN MEHN KASUKUHL 35
Ana Kapakapki en Naineki Pwutak Men
Elkana wahla Ana, Penina, oh seri ko kohla kaudok nan wasahn kaudoko nan Sailo. Wasao, Ana kapakapki en naineki pwutak men. Sounpar ehu mwuri, Samuel ipwidi!
IREN MEHN KASUKUHL 36
En Sepda Inou
Inou dah me Sepda wiahda, oh dahme kahrehda? Ia duwen en nein Sepda serepeino eh mwekidki en eh pahpao inowo?
IREN MEHN KASUKUHL 37
Siohwa Mahseniong Samuel
Samworo lapalap Ilai naineki pwutak riemen me kin papah nin duwen samworo kei nan wasahn kaudoko, ahpw ira sohte kin peikiong sapwellimen Koht kosonned kan. Mwahnakapw Samuel weksang met. Ehu pwohngo Siohwa mahseniong Samuel.
IREN MEHN KASUKUHL 38
Siohwa Ketin Wiahiong Samson en Kehlail
Koht ketin wiahiong Samson en kehlail pwehn peiong mehn Pilisdia kan, ahpw Samson wiahda pilipil sapwung ehu, mehn Pilisdia kan koledi ih.
