6 tʼaqaj qallariynin
Israelitasqa sumaj jallpʼaman chayaytawan, Diosta yupaychana toldopi Diosta yupaycharqanku. Sacerdotesqa Leymanta yachachej kanku, juezkunataj israelitasta ñaupajman pusaj kanku. Kay tʼaqapi yachakusun, imata ruwaspapis wajkunata yanapayta chayri llakichiyta atisqanchejta. Sapa israelita Jehová Diosta kasukunan karqa, runa masintapis yanapanan karqa. Chantapis Débora, Noemí, Josué, Ana, Jeftej wawan, Samuel ima llajta masisninkuta yanaparqanku. Mana israelitas kajkunapis, israelitasta yanaparqanku, imajtinchus yacharqanku Jehová Dios paykunawan kashasqanta. Chaykunamanta wakenqa kanku Rahab, Rut, Jael, gabaonitas ima.
KAY TʼAQAPI
CAPÍTULO 29
Jehová Diosqa Josueta ajllan
Jehová Diosqa Josueman kamachiykunata qorqa. Chay kamachiykunataj noqanchejtapis yanapawasunman.
CAPÍTULO 30
Rahab iskay qhawajkunata pakaykorqa
Jericó llajtaj perqasnenqa ujllata thuñikorqanku. Rahabpa wasintajrí, llajtaj perqasninpi kaspapis mana thuñikorqachu.
CAPÍTULO 31
Josuewan gabaonitaswan
Josué Diosmanta mañakorqa: “Inti pachanpi sayaykuchun”, nispa. ¿Jehová Dios chayta uyarerqachu?
CAPÍTULO 32
Uj juez, iskay warmispiwan
Israelitasqa Josué wañupusqantawan, waj diosesta yupaychayta qallarerqanku. Chayraykutaj mayta ñakʼarerqanku, jinapis juez Barac, profeta Débora, Jael ima paykunata yanaparqanku.
CAPÍTULO 33
Rutwan Noemiwan
Iskay viudas Israelman riporqanku. Rutqa cebada umasta pallaspa llankʼarqa, chaypitaj Boaz payta rejserqa.
CAPÍTULO 34
Gedeón madianitasta atipan
Israelitasqa Jehová Diosmanta yanapata mañakorqanku, manaña madianitas paykunata ñakʼarichinankupaj. ¿Imaynatataj Gedeón pisi soldadosllawan 135.000 madianitasta atipasqa?
CAPÍTULO 35
Ana Jehová Diosmanta wawata mañakun
Elcanaqa Siloman rej Jehová Diosta yupaychaj iskaynin warmisninwan, wawasninpiwan. Silopitaj Ana Jehová Diosmanta uj wawata mañakorqa. Watanmantaj Samuel nacekorqa.
CAPÍTULO 36
Jefté nisqanta juntʼan
¿Imatataj Diosman Jefté qonanta nisqa? ¿Imatataj Jeftej wawan tatanpa nisqanta yachaytawan ruwasqa?
CAPÍTULO 37
Jehová Dios Samuelwan parlan
Kuraj kaj sacerdote Elij wawasnenqa Diosta yupaychana toldopi sacerdotes karqanku. Jinapis Jehová Diospa leyesninta mana kasukojchu kanku. Samueltajrí mana paykuna jinachu karqa. Chayrayku uj chʼisi Jehová Dios paywan parlarqa.
CAPÍTULO 38
Jehová Dios Sansonman kallpata qon
Diosqa Sansonman kallpata qorqa filisteoswan maqanakunanpaj. Jinapis uj imata mana allinta ruwasqanrayku filisteos presocharqanku.