Nabʼe taq tzij re ri sección 6
Ri israelitas xeʼopan pa ri ulew che tzujum chke, xuqujeʼ ri tabernáculo xux ri lugar che kkiya wi qastzij qʼijilanik. Ri e sacerdotes kkikʼut ri Taqanik, xuqujeʼ ri e qʼatal taq tzij kkikʼam kibʼe ri tinamit. Pa wajun jupuq riʼ kqilo che ri kuchaʼ ubʼanik jun winaq sibʼalaj kʼo kubʼan pa kikʼaslemal ri nikʼaj chik. Ri israelitas kʼo jun nim keqelen chuwach Jehová xuqujeʼ ri winaq. Kukʼut ri utzilal xuya ri xkibʼan Débora, Noemí, Josué, Ana, ri umiʼal Jefté xuqujeʼ Samuel chkixoʼl ri e kikʼulja. Qas kukʼutu che jujun chke e aj Israel taj , junam rukʼ Rahab, Rut, Jael xuqujeʼ ri gabaonitas, che xkaj xekitoʼ ri israelitas rumal che ketaʼm che Dios kʼo kukʼ e areʼ.
PA WAJUN SECCIÓN
KʼUTUNEM 30
Rahab xeʼukʼol ri e achijabʼ
Ri e tapya re Jericó xetzaqik. Ri rachoch Rahab xtzaq taj pa neʼ pa uwiʼ ri tapya kʼo wi.
KʼUTUNEM 31
Josué xuqujeʼ ri e gabaonitas
Josué kutaʼ che ri Dios che ksilabʼ ta ri qʼij pa ri ukʼolbʼal. ¿La kutaʼ ri Dios ri uchʼawem?
KʼUTUNEM 32
Jun kʼakʼ ajkʼamal bʼe xuqujeʼ kebʼ ixoqibʼ che kkixibʼij ta kibʼ
Josué xkamik e ri israelitas xkimaj uqʼijilaxik e tyox. Wariʼ xubʼano che xpe kʼax, are kʼu xetoʼ rumal ri ajqʼatal tzij ubʼiʼ Barac, ri ajqʼaxal tzij ixoq ubʼiʼ Débora xuqujeʼ Jael rukʼ ri jun che tzʼibʼitzʼik uwiʼ.
KʼUTUNEM 33
Rut xuqujeʼ Noemí
Kebʼ malkan ixoqibʼ ketzalij pa israel. Jun chke ri ixoqibʼ riʼ, Rut, xbʼe che chak pa ri ulew, chilaʼ Boaz xuchʼobʼ uwach.
KʼUTUNEM 34
Gedeón xchʼakan pa kiwiʼ ri madianitas
Ri israelitas kitaʼ toqʼobʼ che Jehová rumal che ri e madianitas kkibʼan sibʼalaj kʼax chke. ¿Jas xubʼan ri alaj jupuq ejército re Gedeón che kichʼakik 135.000 kikʼulel?
KʼUTUNEM 35
Ana xutaʼ jun ral che Jehová
Elcaná keʼukʼam bʼi Ana, Peniná xuqjeʼ ri e ralkʼwal pa ri tabernáculo pa Siló rech kkiqʼijilaj ri Dios. Chilʼa Ana kutaʼ jun ral ala che Jehová. Qʼaxinaq chi jun junabʼ, xalax Samuel.
KʼUTUNEM 36
Ri xutzujuj ri Jefté
¿Jas tzujunik xubʼan Jefté? ¿Jasche xubʼan wajun tzujunik riʼ? ¿Jas xubʼan ri ali are chiʼ xretaʼmaj ri xutzujuj ri utat?
KʼUTUNEM 37
Samuel xchʼabʼex rumal ri Jehová
Ri e ralkʼwal ri kinimal ri ajkojol tabʼal toqʼobʼ Elí e ajkojol tabʼal pa ri tabernáculo. Kkinimaj ta ri utaqonik ri Dios. Ri ala Samuel xaq ta junam kukʼ, pa jun chaqʼabʼ ri Jehová xuchʼabʼej.
KʼUTUNEM 38
Jehová xuya uchuqʼabʼ ri Sansón
Dios xuya nimalaj kunem che Sansón ri nazareo. Are chiʼ Dalila xuqupij ri uwiʼ, ri e filisteos xkichap bʼik. Jun kʼisbʼal chʼoj pa ri rachoch Dagón.
