6 kaq willakïkunachö imakunapaq parlanqan
Jehovä Änikunqan Patsaman chärirqa, Diospa carpa wayinchönam israelïtakunaqa Jehoväta adorayarqan. Sacerdötikunam leykunata yachatsikuyaq, y juezkunam nacionta dirigiyaq. Kë yachatsikïkunaqa rikätsikunqa pipis imatapis decidinqanqa wakimpa biennimpaq o malnimpaqpis kanqantam. Cada israelïtam Jehoväta y nuna mayinta rasumpa kuyanan karqan. Wamrëki kaptinqa, shumaq rikätsi Dëbora, Noemï, Josuë, Äna, Jeftëpa warmi wamran y Samuel, marka mayinkunata imanö yanapayanqanta. Jina rikätsi wakinqa Rahabnö, Rutnö, Jaelnö y Gabaon nunakunanö juk nacionpita këkarpis, israelïtakunata Dios yanapanqanta rikar pëkunaman qaqäyanqanta.
KË KAQ GRÜPU WILLAKÏKUNACHÖ
29 KAQ WILLAKÏ
Jehoväqa Josuëtam akrarqan
Josuëta Dios mandanqankunaqa noqantsiktapis yanapamënintsikta puëdinmi.
30 KAQ WILLAKÏ
Rahabmi musyapakoqkunata pakarqan
Jericöpa perqankunaqa juchurirqanmi. Peru Rahabpa wayinqa kikin perqachö këkarpis manam juchurqantsu.
31 KAQ WILLAKÏ
Gabaon nunakuna Josuëman chäyan
Josuëqa Diostam mañakurqan këkanqanllachö inti quedarinampaq. ¿Diosqa wiyarqanku mañakïninta?
32 KAQ WILLAKÏ
Juk dirigenti y ishkë valienti warmikuna
Josuë wanukushqanchömi israelïtakunaqa imäginkunata adorar qallëkuyarqan. Tsëmi sufriyarqan, peru juez Barac, Diospa willakoqnin Dëbora y Sïsarata estäcawan wanutseq Jaelmi yanapakuyarqan.
33 KAQ WILLAKÏ
Rutwan Noemï
Ishkë viudakunam Israelman kutiyarqan. Rut kaqmi juk chakraman pallapakoq ëwarqan, tsëchömi Boazwan reqinakuyarqan.
34 KAQ WILLAKÏ
Gedeonmi Madian nunakunata vencirqan
Imanö këta mana puëdirmi israelïtakunaqa salvëkunampaq Jehoväta rogakuyarqan. ¿Imanötaq Gedeonpa soldädunkunaqa wallkaqlla këkar 135.000 soldädukunata venciyarqan?
35 KAQ WILLAKÏ
Änaqa juk wamratam Diosta mañakurqan
Elcanäqa Diosta carpa wayinchö adorayänampaqmi Änata, Peninäta y wamrankunata Silöman wata wata pushaq. Tsëchömi Änaqa wamrayoq kanampaq Jehoväman mañakurqan. Juk wata pasariptinmi Samuel yurikurqan.
36 KAQ WILLAKÏ
Jeftëqa änikunqantam cumplirqan
¿Imatataq Jeftë änikurqan? ¿Imanirtaq tsëta änikurqan? ¿Ima nirqantaq Jeftëpa wamran papänin änikunqanta musyarir?
37 KAQ WILLAKÏ
Jehovämi Samuelta parlaparqan
Mandakoq kaq sacerdöti Elïpa wamrankunapis Diospa carpa wayinchömi sacerdöti kayaq. Peru manam Jehoväpa leyninkunata wiyakuyaqtsu. Samuelqa jukläyam karqan, tsëmi juk kuti paqaspa Jehovä parlaparqan.
38 KAQ WILLAKÏ
Jehovämi Sansonta kallpan qorqan
Diosqa Filistëa nunakunawan pelyanampaqmi Sansonta kallpasapata tikratsirqan, peru upa këta rurëkuptinmi Filistëa nunakuna tsaririyarqan.
