Parte 6-pica caitami yachagrinchij
Israelitacunaca Dios cusha nishca allpaman chayashpaca Diospaj carpa huasipimi Diosta adorajcuna carca. Sacerdotecunaca Diospaj leycunatami yachachirca. Cutin juezcunaca Israel llajtatami pushajcuna carca. Cai partepica ñucanchij decidishcacuna, imata rurashcacunapish shujtajcunata ayudana cashcata o llaquichina cashcatami yachashun. Israelitacunaca cada unomi Jehová Diostapish shujtajcunatapish cꞌuyana carca. Débora, Noemí, Josué, Ana, Jeftepaj ushushi, Samuelpish paicunapaj llajtapi allita rurashcamanta shujtajcunata ayudashcata yachachi. Mana israelitacuna caj Rahab, Rut, Jael, gabaonitacunapish Dios israelitacunahuan cashcatami yacharcacuna. Paicuna israelitacunapaj lado tucushcatapish yachachi.
CAIMI TIYAN
LECCIÓN 29
Jehová Diosca Josuetami agllarca
Diosmi Josuemanca imata ruranata yachachirca. Josuepaj causaimanta yachanaca ñucanchijtapish ayudanmi.
LECCIÓN 30
Rahabca ricunaman rijcunatami pacarca
Jericó llajtapaj pircacunaca urmarcami. Pero Rahabpaj huasi pirca jahuapi cashpapish mana urmarcachu.
LECCIÓN 31
Josuepish Gabaonitacunapish
Josueca inti ama huashicuchunmi Diosta mañarca. ¿Diosca paipaj mañashcataca uyashcangachu?
LECCIÓN 32
Shuj mushuj pushaj ishqui mana manchaj huarmicunapish
Josué huañushca huashami israelitacunaca yanga dioscunata adorarcacuna. Chaita rurashcamanta llaquicunata charijpimi Barac, Débora, Jaelpish ayudarcacuna.
LECCIÓN 33
Rutmanta Noemimanta yachashun
Ishqui viudacunami Israelman tigrarcacuna. Shujca Rutmi carca. Paica trabajanaman rishpami Boozta rijsirca.
LECCIÓN 34
Gedeonca madianitacunatami misharca
Israelitacunaca madianitacuna ama llaquichichunmi Diosta mañarcacuna. ¿Ashallacuna cashpapish ima shinataj 135.000 madianitacunata misharcacuna?
LECCIÓN 35
Anaca shuj huahuata cuchunmi Diosta mañarca
Silopi Diosta adorangapajmi Elcanaca paipaj familiata pushaj carca. Chaipimi Anaca huahuata Dios cuchun mañarca. Shuj huata qꞌuipami Anaca huahuata charirca.
LECCIÓN 36
Jefteca pai nishcatami pajtachirca
¿Jefteca imatataj Diosman cusha nirca? ¿Imamantataj chaita nirca? ¿Paipaj ushushica chaita yachashpaca imatataj rurarca?
LECCIÓN 37
Samuelhuanmi Jehová Diosca parlarca
Elipaj churicunaca Diospaj carpa huasipi sacerdotecuna cashpapish Diospaj leycunata mana cazurcachu. Samuelca mana paicuna laya cajpimi Diosca paihuan parlarca.
LECCIÓN 38
Jehovami Sansonmanca fuerzata curca
Sansón filisteocunahuan macanacuchunmi Diosca paiman fuerzata curca. Pero pai imamanta fuerzata charishcata Dalilaman huillajpimi filisteocunaca japircacuna.
