6 kaq rakiyninpi imakuna yachananchikmanta
Israel runakunam chaskinanku allpaman chayaruspanku ruwasqanku carpapi Jehova Diosta yupaychaqku. Chaypim sacerdotekuna Diospa kamachikuyninmanta yachachiqku, juezkunapas allin ruwaq kanankupaqmi yanapaqku. Qatiqninkunapim yachasun imaynata hukkunata yanapanamanta. Warmaykiman willay Deborapas, Noemiypas, Josueypas, Anapas, Jefteypa warmi churinpas hinaspa Samuelpas Diosta kuyaspan imayna hukkunata yanapasqankumanta. Willariytaq Rutpas, Rahabpas, Jaelpas hinaspa Gabaon runakunapas huk law nacionniyuq kaspankupas Diosta yupaychasqankumanta.
KAYPI
29 KAQ YACHACHIKUY
Josueyta Dios akllasqanmanta
Ñuqanchikpas yachachwanmi Josueyman Jehova Diospa yachachisqanmanta.
30 KAQ YACHACHIKUY
Watiqaqkunata Rahab pakasqanmanta
Rahabpa wasinmi llaqtapa hatun pirqanman laqanasqa kachkaspanpas mana tuñirqachu.
31 KAQ YACHACHIKUY
Josueymantawan Gabaon runakunamanta
Josueymi Diosta mañakurqa intita sayachinanpaq. ¿Diosqa uyariykurqachu?
32 KAQ YACHACHIKUY
Josueymantawan mana manchakuq iskay warmikunamanta
Josuey wañukuptinqa, Israel runakunam taytacha-mamachataña yupaycharqaku. Ichaqa Barac, Debora hinaspa Jaelmi Israel runakunata sasachakuypi kaptinku yanaparqaku.
33 KAQ YACHACHIKUY
Rutmanta hinaspa Noemiymanta
Noemiywan Rutqa Israel nacionmanmi kutikurqaku, chaypim Rutqa Boozpa chakranpi llamkarqa.
34 KAQ YACHACHIKUY
Enemigonkunata Gedeon atipasqanmanta
Madian runakuna ñakarichiptinkum Israel runakunaqa Jehova Diosta mañakurqaku. ¿Imaynatam Gedeonpa aslla runankunaqa 135.000 Madian soldadokunata atiparurqaku?
35 KAQ YACHACHIKUY
Qari wawata Ana mañakusqanmanta
Sapa watam Elcanaqa ayllunta Silo llaqtaman pusaq Jehova Diospa carpanpi yupaychanankupaq. Chaypim Anaqa Jehova Diosta mañakurqa wawayuq kananpaq. Manapas huk watamantam qari wawata wachakururqa, sutinmi karqa Samuel.
36 KAQ YACHACHIKUY
Rimasqanman hina Jeftey ruwasqanmanta
¿Imata qunanpaqmi Jefteyqa Diosta nirqa? Chayta yacharuspan, ¿imatam warmi churinqa ruwarqa?
37 KAQ YACHACHIKUY
Samuelta Jehova Dios rimapayasqanmanta
Sacerdotekunapa jefen Eliypa churinkunapas Diospa carpanpi sacerdotem karqaku. Chay churinkunam Jehova Diosta mana kasukuqkuchu. Samuelmi ichaqa mana chaynachu karqa, chaymi huk kutipi Jehova Dios payta rimapayarqa.
38 KAQ YACHACHIKUY
Sansonman Jehova Dios kallpata qusqanmanta
Diosmi Sansonman kallpata qurqa Filistea runakunawan peleananpaq, ichaqa imapi kallpan kasqanmanta willakuykuptinmi Filistea runakuna presocharurqaku.