6 t’aqata qallarinapaq
Israel runakunapaqqa adorana karpan ancha valorniyoq karan, chaypin Jehová Diosta adoraqku. Sacerdotekunan Diospa kamachikuyninta yachachiqku, juezkunataq llaqtata kamachiqku. Juj runaq ima ruwasqanpas afectanmi jujkunata, chaytan kay t’aqapi yachasun. Israel runakunaqa Diostapas runamasinkutapas respetanankun karan. Débora, Noemí, Josué, Ana, Jeftepa ususin, Samuelpas llaqtankutan yanaparanku, chayta wawaykiman entiendechiy. Rahab, Rut, Jael, Gabaón runakuna jinan wakin runakunaqa mana Israelmantachu karanku, chaywanpas Jehová Dios paykunawan kasqanta yachaspan Israel llaqtanmanta kapuranku.
KAY T'AQAPIN KAYKUNA KASHAN
30 WILLAKUY
Rahabmi qhawaqkunata pakaykun
Jericó llaqtaq perqankunaqa thunikuranmi, Rahabpa wasinmi ichaqa mana urmaykuranchu llaqtaq perqanpiña kasharan chaypas.
31 WILLAKUY
Josuewan Gabaón runakunawan
Josuemi Diosmanta mañakun: “¡Inti, kaqllapi sayachun!”, nispa ¿Uyariranchu Dios mañakusqanta?
32 WILLAKUY
Mosoq umalli iskay mana manchakuq warmikunapiwan
Josuepa wañupusqan qhepamanmi Israelmanta runakuna juj dioskunata adoraranku. Jinan imaymana sasachakuykunapi tarikuranku, Jehová Diosmi ichaqa yanaparan Baracwan Deborawan Jaelwan ima.
33 WILLAKUY
Rutwan Noemiwan
Iskay viudakuna Israelman kutinku. Juknin kaqmi karan Rut, paymi campota riran chaypitaqmi Boaz Rut-ta reqsin.
34 WILLAKUY
Gedeón Madián llaqtata atipan
Madián llaqtamanta runakunan sinchita Israel runakunata ñak’arichiran, chaymi Jehová Diospa yanapayninta mañakuranku. ¿Imaynatan Gedeonpa pisi t’aqa soldadokunalla 135.000 soldadokunata atiparanku?
35 WILLAKUY
Diosmanta juj wawata mañakun
Elcanaqa Anata, Peninata wawakunantintan Dios adorana karpaman apan. Chaypin Anaqa Jehová Diosmanta juj wawata mañakuran, jinan Samuel nacemuran.
36 WILLAKUY
Jeftepa promesan
¿Imatan Jefté prometekuran? ¿Imaraykun chay promesata ruwaran? ¿Ima niranmi ususin chay promesa ruwasqanmanta yachaspa?
37 WILLAKUY
Jehová Dios Samuelwan riman
Elí sacerdoteq wawankunaqa Diosta adorana karpapin sacerdotekuna karanku. Manan Diosta kasukurankuchu. Samuelmi ichaqa mana paykuna jinachu karan, jinan juj tuta Jehová Dios payta rimaykamuran.
38 WILLAKUY
Jehová Dios Sansonman kallpata qon
Diosmi Sansonman kallpa qoran Filistea runakunawan maqanakunanpaq, mana allinta decidisqanraykun ichaqa Filistea runakunawan jap’ichikuran.
