Parte 6pa callari shimicuna
Israelitacuna Canaán alpacunaman chayashpaca tabernáculo nishcapimi Jehovata adorarca. Sacerdotecunaca Leycunatami yachachin carca. Cutin juezcunaca tucuicunatami ñaupan pushan carca. Cai capitulocunapica imata decidishpa o imata rurashpapash, shujcunata ayudaita o llaquichi ushashcatami yachajugrinchi. Israelitacunaca Jehovapa ñaupajpi, gentecunapa ñaupapipash shuj jatun responsabilidadtami charirca. Débora, Noemí, Josué, Ana, Samuel, Jeftepa ushipash paicunapa causaihuan, chai punllacunapi imashina ayudashcata ricuchipangui. Shinallata Rahab, Rut, Jael, gabaonitacuna na israelitacuna cashpapash Taita Dios israelitacunahuan cashcata yachashpa paicunapa lado tucushcatapash yachachipangui.
CAI PARTEPI
CAPÍTULO 29
Josuetaca Jehová Diosmi agllarca
Jehová Diosca Josueta ayudangapami huaquin mandashcacunata curca. Chai mandashcacunaca ñucanchitapashmi ayudaita ushan.
CAPÍTULO 30
Rahabmi ishcai jaricunata ayudarca
Jericó llactapa pircacunaca tucuillami urmarca. Shinapash Rahab huarmipa huasi pircacunaca na urmarcachu.
CAPÍTULO 31
Gabaonitacunatami Josueca ayudarca
Josueca, Jehová Diostami indita shayachipai nishpa mañarca. ¿Jehová Diosca paipa mañashcata uyarcacha?
CAPÍTULO 32
Barac, Débora, Jaelpash Jehovatami cazurca
Josué huañushca jipaca cutinmi israelitacunaca yanga dioscunata adoranajurca. Shina ruraimanda llaquicunapi cajpipash Barac, Débora Jaelpashmi paicunataca ayudarca.
CAPÍTULO 33
Rut huarmiguca Noemita na saquircachu
Ishcai viuda huarmigucunami Israel llactaman cutin tigrarca. Shujca Rutmi carca. Rutca pambapi trabajagrishpami Boazta rijsirca.
CAPÍTULO 34
Gedeonmi madianitacunata misharca
Madianitacuna llaquichinajujpimi israelitacunaca Jehovata mañarca. ¿Imashinata Gedeonga paipa ashalla soldadocunahuan, 135 mil contra soldadocunataca misharca?
CAPÍTULO 35
Anaca huahuaguta charingapami munarca
Siló llactapi, tabernáculo nishcapi Jehovata adorachunmi Elcaná runaguca Anata, Peninata paipa huahuacunatapash aparca. Chaipimi, Anaca shuj huahuaguta carahuai nishpa Jehovata mañarca. Shuj huata jipaca Samuel huahuagumi nacirirca.
CAPÍTULO 36
Jefteca ¿imatata Jehovaman cusha nirca?
Jefteca ¿imatata Jehovaman cusha nirca? ¿Imamandata shina nirca? Jeftepa ushi chaita yachaj chayashpaca ¿imashinashi sintirirca?
CAPÍTULO 37
Jehová Dios parlajtami Samuelca uyarca
Sumo sacerdote Elipa churicunaca tabernáculo nishcapi sacerdotecunami carca. Paicunaca Diospa mandashcacunataca na cazurcachu. Shinapash Samuelca paicuna shinaca na carcachu. Chaimi shuj tutataca Jehová Dios parlajta Samuelca uyarca.
CAPÍTULO 38
Sansón runataca Jehová Diosmi ayudarca
Diosmi, Sansón runagumanga filisteocunahuan macanajuchun fuerzata curca. Shinapash Sansón nali decisionda agllashcamandami filisteocuna paita japishpa aparca.