Uvod bašo 6 delo
Keda o Izraelcija khuvgje ki Vetimi phuv, o sveto šatori sine glavno than kote so obožavinena sine e Jehova. O sveštenikija sikavena sine e narodo bašo e Devleskoro zakoni, a o sudie vodinena le sine. Ko akava delo ka dikha sar nekaskere postapke hem odluke šaj te vlijajnen upro javera. Sekova Izraelco valjani sine te ačhovel verno e Jehovaske hem e javere Izraelconge. Istaknin savo vlijanie sine len upro manuša i Devora, i Noemina, o Isus Navin, i Ana, e Jeftajeskiri čhaj hem o Samoil. Vaker kaj čak nesave so na sine Izraelcija, sar soj i Raav, i Rut, i Jaila hem o Gavaoncija
pomožingje e Izraelconge adaleske so džanena sine kaj o Jehova tano lencar.KO AKAVA DELO
29 LEKCIJA
O Jehova biringja e Isus Navine
O Devel zapovedingja e Isus Navineske so šaj sine te pomožinel amenge da.
30 LEKCIJA
I Raav garavela e špionen
O zidija okolu o Erihon rušingje pe! Ama o kher e Raavakoro, kova so sine gradimo ko adala zidija, na rušingja pe.
31 LEKCIJA
O Isus Navin hem o Gavaoncija
O Isus Navin molingja pe e Devleske te kerel o kham te ačhol ko jekh than. So kergja o Devel?
32 LEKCIJA
Jekh nevo vodači hem duj hrabra džuvlja
Otkeda mulo o Isus Navin, o Izraelcija počmingje te služinen e idolenge. O životo lengoro ulo but pharo, ama o Devel pomožingja len preku o sudija o Varak, i proročica i Devora hem i Jaila.
33 LEKCIJA
I Rut hem i Noemina
Duj romnja kaskere roma mule irangje pe ko Izrael. Jekh lendar i Rut, geli te kerel buti ki niva kote so dikhlja la o Vooz.
34 LEKCIJA
O Gedeon pobedingja e Madijamcon
O Madijamcija kerena sine pharo o životo e Izraelconge, adaleske ola molingje e Jehova te pomožinel lenge. Sar šaj sine e Gedeoneskiri tikni vojska te pobedinel 135.000 vojnikon?
35 LEKCIJA
I Ana molingja pe te ovel la čhavo
O Elkana ingargja e Ana, e Fenina hem e čhaven ko šatori bašo obožavanje ko Silo te šaj te den žrtva e Devleske. Adari i Ana molingja pe te ovel la čhavo. Palo jekh berš, bijandilo lake o Samoil.
36 LEKCIJA
O vetuvanje so dengja o Jeftaj
So vetingja o Jeftaj, hem soske? So kergja e Jeftajeskiri čhaj keda šungja bašo vetuvanje so dengja le lakoro dad?
37 LEKCIJA
O Jehova kergja lafi e Samoilea
O čhave e prvosveštenikoskere e Ilijaskere sine sveštenikija ko šatori, ama na šunena sine e Jehovaskere zakonija. O terno Samoil na sine sar lende. Jekh rat o Jehova kergja lafi e Samoilea.
38 LEKCIJA
O Jehova dengja sila e Samsone
O Devel dengja e Samsone bari sila. Keda i Delila čhingja leskere bare bala, o Filistejcija astargje le hem phanle le. Ko krajo, o Samson rušingja o Dagoneskoro hrami.