Mbangilo a kipindji kya 6
Pabafikile beena Isaleele mu Nsenga ya Mulayilo, tabernakele bafikile bu mbalo ikata ya lulangwilo lwa binyibinyi. Ba tshiite mwakwidi abaadi abalambukisha Miiya, na ba nsushi abaadi abakunkusha mwilo. Kino kipindji akileesha kipaso kilombeene bitshibilo na bikitshiino bya muntu kutala bangi. Eese mwina Isaleele baadi na aye mashito pabitale Yehowa na bakwabo. Leesha bibaadi mwikeelo wa Debora, Naomi, Yooshwa, Aana, Mwana mukashi a Yefetee, na Samwele ukwashe bantu abaadi bebefunyishe. Shimika kasele shi sungwa bangi bantu bashii beena Iasaleele, bu Rahabe, Luuta, Yaele, na beena Gabaone, abaatshile mpàngo ya kulamata beena Isaleele mwanda abaadi abauku shi Efile Mukulu baadi nabo.
MU KINO KIPINDJI
Yehowa basangula Yooshwa bu nfumu
Efile Mukulu baadi mupe Yooshwa buludiki bulombeene kwitukwasha natwe namu leelo.
Rahabe afwamisha ba mpuupa
Midimba ya Yeeriko ibapono. Kadi nshibo ya Rahabe ibashala imane sunga byekala shi ibaadi munda mwa midimba ya Yeeriko.
Yooshwa na beena Gabaone
Yooshwa batekyele kwi Efile Mukulu shi: “Nguba, ayimane mbalo imune!” Efile Mukulu baadi mumwaluule su?
Mukunkushi mupya na bana bakashi babidi be na kishima
Kunyima kwa lufu lwa Yooshwa, beena Isaleele ababangile kulangwila mankishi. Nshaleelo abo bafikile bukokopo, kadi bukwashi bubafikile kwi nsushi Barake, mutemuki mukashi Debora na Yaele na kiluu kyaye!
Luuta na Naomi
Bakashi babidi babafwishishe balume baabo abalukiila mu Isaleele. Luuta umune a kwabadi bayile mu kufuba mwifuba, abo nkumumona kwi Boaze.
Gideone batshokola beena Madyane
Kunyima kwa beena Madyane kukyengyesha beena Isaleele, mwilo ubatekyele bukwashi kwi Yehowa. Nkipaso kinyi kibaadi basalayi bapeela ba Gideone batshokole beshikwanyi nabo babaadi 135000?
Aana batekyele bwa kupeta mwana
Elkana baata Aana, Penina na bana bwa kwenda mu kulangwila ku tabernakele mu Shilo. Kwakwa, Aana batekyele bwa kupeta mwana. Kunyima kwa kipwa,baadi mutande Samwele!
Mulayilo wa Yefetee
Mmulayilo kinyi ubaadi Yefetee mukite na bwakinyi? Nsongwakashi a Yefetee bakitshiine kinyi bwa mulayilo wa nsaheye?
Yehowa esamba na Samwele
Tshiite mwakwidi mukata e pa nundu Eliya na bana baye balume babidi abaadi abafubu bu ba tshiite mwikwidi ku tabernakele, anka tababaadi abakookyela miiya ya Yehowa nya. Samwele baadi mwilekeene nabo na Yehowa nkwisamba naye.
Yehowa bapeele Samesone bukome
Efile Mukulu bayikeeshe Samesone na bukome bwa kulwa na beena Filistine, kadi pabaatshile Samesone kitshibilo kibubi, beena Filistine abamukwashile.
