Setfulo Sencenye 6
Ema-Israyeli nakefika eVeni Lesetsembiso, lithende lekukhontela laba yindzawo yekukhonta kweliciniso. Baphristi bebafundzisa ema-Israyeli uMtsetfo futsi tikhulu betihola lesive. Lencenye ichaza kutsi tincumo netintfo lesitentako tingabatsintsa njani labanye. Um-Israyeli bekanemsebenti lokufanele awentele Jehova futsi bewubatsintsa labanye. Lencenye iveta kutsi indlela labenta ngayo boDebora, Nawomi, Joshuwa, Hana, indvodzakati yaJeftha naSamuweli yabatsintsa njani labanye. Iphindze ivete kutsi labanye lebebangasiwo ema-Israyeli njengaRahabi, Ruthe, Jayeli nemaGibeyoni bakhetsa kulandzela ema-Israyeli ngobe bebati kutsi Nkulunkulu abewasita.
LOKUKULELIKHASI
Jehova Wakhetsa Joshuwa
Nkulunkulu waniketa Joshuwa ticondziso letingasisita natsi lamuhla.
Rahabi Ufihla Tinhloli
Lubondza lwaseJerikho lwawa. Kodvwa indlu yaRahabi ayizange iwe ngisho noma beyakhiwe kulolubondza.
Joshuwa NebaseGibeyoni
Joshuwa wathantaza kuNkulunkulu watsi: ‘Langa, mani ungahambi.’ Waphendvula yini Nkulunkulu?
Umholi Lomusha Nebafati Lababibili Labanesibindzi
Ngemuva kwekufa kwaJoshuwa, ema-Israyeli acala kukhonta titfombe. Imphilo yaba matima, Jehova wawasita ema-Israyeli asebentisa Bharaki, umphrofethikati Debhora kanye naJayeli nelithende lakhe.
Ruthe NaNawomi
Bafati lababili labafelwe ngemadvodza abo babuyela ka-Israyeli. Munye wabo, lokunguRuthe, waya kuyosebenta emasimini, futsi Bhowazi wacala kumnaka.
Gideyoni Wawancoba EmaMidiyani
Ngemuva kwekuhlushwa bakaMidiyani, ema-Israyeli ancenga Jehova Acela lusito. Libutfo laGideyoni lelincane lawancoba njani emasotja langu-135,000 latitsa?
Hana Uthantazela Kuba Nendvodzana
Elkhana utsatsa Hana naPhenina kanye nebantfwababo bayokhonta ethempelini eShilo. EShilo, Hana uthantazela kuba nendvodzana. Ngemva kwemnyaka Samuweli uyatalwa
Setsembiso SaJeftha
Ngusiphi setsembiso Jeftha lasenta, futsi leni? Indvodzakati yaJeftha yasabela njani esetsembisweni lesentiwa nguyise?
Jehova Ukhuluma NaSamuweli
Emadvodzana lamabili emphristi lophakeme Eli abekhonta njengebaphristi ethendeni lekukhontela kepha abengawulaleli umyalo waJehova. Umfanyana longuSamuweli bekehlukile kuwo. Ngalobunye busuku Jehova wakhuluma naSamuweli.
Jehova Wanika Samsoni Emandla
Nkulunkulu wanika Samsoni emandla ekulwa nemaFilisti, kodvwa ngesikhatsi Samsoni enta sincumo lesibi emaFilisti amfaka ejele.