Panganteur Bagian 6
Sanggeus bangsa Israil nepi di Tanah Perjangjian, tabernakel jadi pusat ibadah sajati. Imam-imam ngajarkeun Hukum, hakim-hakim ngabingbing bangsa Israil. Bagian ieu ngajelaskeun yén putusan jeung tindakan hiji jalma bisa gedé pangaruhna keur jalma séjén. Urang Israil boga tanggung jawab masing-masing ka Yéhuwa jeung ka batur. Caritakeun kumaha Débora, Naomi, Yosua, Hana, anak awéwé Yépta, jeung Samuél mawa pangaruh alus keur jalma-jalma di sakurilingna. Jelaskeun malah jalma ti bangsa séjén ogé mihak bangsa Israil, contona Rahab, Rut, Yaél, jeung urang Gibon. Maranéhna nyaho yén Allah nyarengan bangsa Israil.
DINA BAGIAN IEU
PALAJARAN 29
Yéhuwa Milih Yosua
Allah masihan paréntah-paréntah ka Yosua nu bisa ngabantu urang ogé ayeuna.
PALAJARAN 30
Rahab Nyumputkeun Mata-Mata
Témbok-témbok Yériho raruntuh, tapi imah Rahab tetep weweg sanajan aya dina témbok kota.
PALAJARAN 31
Yosua jeung Urang Gibon
Yosua ngadoa ka Allah, ”Panonpoe, geura ngarandeg.” Naha Allah ngajawab doana?
PALAJARAN 32
Pamingpin Anyar jeung Dua Awéwé Wani
Sanggeus Yosua maot, urang Israil nyembah aallahan. Hirupna sangsara. Tapi aya bantuan ti Hakim Barak, nabi istri Débora, jeung Yaél sarta patok kémahna.
PALAJARAN 33
Rut jeung Naomi
Dua awéwé nu salakina geus maot balik ka Israil. Salah sahijina nyaéta Rut. Rut digawé di sawah. Boas merhatikeun manéhna.
PALAJARAN 34
Gidion Ngéléhkeun Urang Midian
Sanggeus ditindes ku urang Midian, urang Israil ménta tulung ka Yéhuwa. Kumaha pasukan Gidion nu ngan saeutik bisa ngéléhkeun 135.000 pasukan musuh?
PALAJARAN 35
Hana Ngadoa Ménta Anak Lalaki
Élkana mawa Hana, Pénina, jeung barudakna ibadah ka tabernakel di Silo. Di ditu, Hana ngadoa ménta anak lalaki. Taun hareupna Samuél lahir!
PALAJARAN 36
Jangji Yépta
Naon jangji Yépta, jeung ku naon Yépta jangji kitu? Kumaha sikep anak awéwé Yépta ngeunaan jangji bapana?
PALAJARAN 37
Yéhuwa Ngomong ka Samuél
Imam Agung Éli boga dua anak lalaki nu jadi imam di tabernakel. Maranéhna teu nurut kana hukum Allah, béda jeung Samuél. Yéhuwa manggil Samuél.
PALAJARAN 38
Yéhuwa Ngajadikeun Simson Kuat
Allah nyieun Simson kuat jang ngalawan urang Pélisti. Tapi, pas nyieun putusan nu salah, urang Pélisti néwak manéhna.