Introdusaun ba Parte 6
Bainhira ema Izraél toʼo iha rai neʼebé Maromak promete, sira halaʼo adorasaun iha tenda santu. Amlulik sira hanorin Ukun-Fuan, no juís sira dirije nasaun. Parte neʼe sei esplika oinsá mak ema ida nia desizaun no hahalok bele afeta ema seluk. Ema Izraél ida-idak tenke hatudu laran-metin ba Jeová no ba maluk sira. Esplika oinsá mak Débora, Noemi, Josué, Ana, Jefte nia oan-feto, no Samuel bele afeta ema seluk. Ema neʼebé laʼós ema Izraél hanesan Raab, Rute, Jael, no ema Gibeão mós deside atu tuir ema Izraél tanba sira hatene katak Maromak apoia ema Izraél.
IHA PARTE NE’E
ISTÓRIA 30
Raab subar espiaun sira
Moru Jerikó monu rahun. Maibé Raab nia uma la monu, maski neʼe mak parte husi moru.
ISTÓRIA 31
Josué no ema Gibeão
Josué halo orasaun ba Maromak: “Loro-matan, para metin bá!” Maromak hatán ninia orasaun ka lae?
ISTÓRIA 32
Barac no feto naʼin-rua neʼebé aten-brani
Depois Josué mate, ema Izraél komesa adora maromak falsu sira. Povu nia moris sai susar, maibé Maromak ajuda sira liuhusi juís Barac, profeta Débora no Jael.
ISTÓRIA 33
Rute no Noemi
Feto-faluk naʼin-rua bá hela iha Izraél. Ida mak Rute. Bainhira Rute hili sevada restu iha Boaz nia toʼos, Boaz haree katak Rute mak feto neʼebé diʼak tebes.
ISTÓRIA 34
Gideão manán ema Midian
Ema Izraél harohan hodi husu ajuda ba Jeová kuandu ema Midian fó-terus ba sira. Oinsá mak Gideão nia tropa naʼin-300 deʼit bele manán tropa inimigu naʼin-135.000?
ISTÓRIA 35
Ana halo orasaun atu husu oan
Elkana lori Ana, Penina, no família tomak ba tenda santu iha Silo. Iha neʼebá, Ana halo orasaun atu husu oan. La toʼo tinan ida, Samuel moris!
ISTÓRIA 36
Jefte nia promesa
Jefte halo promesa saida, no tanbasá? Jefte nia oan-feto dehan saida bainhira rona kona-ba ninia aman nia promesa?
ISTÓRIA 37
Jeová koʼalia ba Samuel
Amlulik Boot Eli nia oan-mane naʼin-rua serbí nuʼudar amlulik iha tenda santu, maibé sira la halo tuir Jeová nia lei. Samuel neʼebé sei kiʼik la hanesan ho sira no Jeová koʼalia ba nia.
ISTÓRIA 38
Jeová halo Sansão iha forsa boot
Maromak halo Sansão iha forsa boot atu halo funu hasoru ema Filístia. Maibé Sansão halo desizaun neʼebé sala, no ikusmai ema Filístia kaer nia.
