6-njy bölüm
Ysraýyllar Hudaýyň wada beren ýurdunda ýaşap başladylar. Olar indi mukaddes çadyrda Ýehowa arkaýyn sežde edýärler. Ruhanylar halka kanuny öwredýärdi, serdarlar bolsa ýolbaşçylyk edýärdi. Şu bölümde adamlaryň gelýän kararlarynyň we edýän işleriniň başga adamlara-da täsir edýändigi gürrüň berilýär. Her bir ysraýylly Ýehowa wepaly bolmaly we başga adamlara görelde görkezmeli. Ene-atalar, çagalaryňyza Deboranyň, Nagomynyň, Ýuşanyň, Hannanyň, Ýeftahyň gyzynyň we Şamuweliň göreldesi hakda gürrüň beriň. Şeýle-de başga halkdan bolan adamlaryň hem Ýehowa gulluk edendigini aýdyň. Rahaw, Rut, Ýaýyl we gibgonlylar Ýehowanyň elini görendigi üçin, onuň halkyna goşuldylar.
ŞU BÖLÜMDE:
30-NJY SAPAK
Rahaw iki adamy gizleýär
Ýerihonyň diwarlary ýykylýar. Ýöne Rahawyň öýi diwarda bolsa-da ýykylmaýar.
31-NJI SAPAK
Ýuşa bilen gibgonlylar
Ýuşa: «Ýehowa, Güni batyrmaý» diýip dileg edýär. Hudaý onuň dilegini eşitdimi?
32-NJI SAPAK
Barak bilen iki aýal
Ýuşa ölensoň, ysraýyllar butlara sežde edip başlady. Şonuň üçin olar görgi baryny gördüler. Ýöne Ýehowa olara Barak serdar, pygamber aýal Debora we Ýaýyl arkaly kömek edýär.
33-NJI SAPAK
Rut bilen Nagomy
Nagomy bilen Rut äri ölensoň, Ysraýyla gaýdýar. Rut Bowazyň melleginde işleýär. Bowaz hem ony synlaýar.
34-NJI SAPAK
Gedeýon midýanlary ýeňýär
Midýanlar ysraýyllara azar baryny berdiler. Ysraýyllar Ýehowa ýalbaryp kömek soradylar. Gedeýon azajyk adam bilen nädip 135 000 esgeri ýeňdi?
35-NJI SAPAK
Hanna Hudaýdan ogul dileýär
Alkana Hannany we Pennina bilen çagalaryny Şilodaky çadyra alyp gaýdýar. Şol ýerde Hanna Hudaýdan ogul dileýär. Bir ýyl geçensoň, Şamuwel dogulýar.
36-NJY SAPAK
Ýeftah söz berýär
Ýeftah näme söz berýär we näme üçin? Gyzy kakasynyň beren sözüni eşidende näme diýdi?
37-NJI SAPAK
Ýehowa Şamuwel bilen gepleşdi
Baş ruhany Alynyň iki ogly ruhany bolsa-da, Ýehowany diňlemeýärdi. Şamuwel çaga bolsa-da, olara meňzemedi. Ýehowa Şamuwel bilen gepleşýär.
38-NJI SAPAK
Ýehowa Şimşona güýç berdi
Hudaý Şimşona piliştliler bilen söweşmek üçin güýç beripdi. Emma ol ýalňyşdy, şonuň üçin piliştliler ony tutup türmä basdy.