Introduksiyon sa Seksiyon 6
Nang sa wakas ay makarating sa Lupang Pangako ang mga Israelita, ang tabernakulo ang naging sentro ng tunay na pagsamba. Mga saserdote ang nagturo ng Kautusan, at mga hukom naman ang gumabay sa bansa. Makikita sa seksiyong ito kung gaano kalaki ang puwedeng maging epekto sa iba ng desisyon at pagkilos ng isang tao. Ang bawat Israelita ay may pananagutan kay Jehova at sa kaniyang kapuwa. Ipakita kung paano naging mabuting halimbawa sina Debora, Noemi, Josue, Hana, Samuel, at ang anak ni Jepte. Ipakita din na kahit ang mga di-Israelitang gaya nina Rahab, Ruth, Jael, at ng mga Gibeonita ay nagdesisyon ding kumampi sa mga Israelita dahil alam nilang kasama ng mga ito ang Diyos.
SA SEKSIYONG ITO
ARAL 30
Itinago ni Rahab ang mga Espiya
Nagiba ang pader ng Jerico. Pero hindi nagiba ang bahay ni Rahab, kahit nasa tabi ito ng pader.
ARAL 31
Si Josue at ang mga Gibeonita
Nanalangin si Josue sa Diyos: “Araw, huminto ka!” Pinakinggan ba ito ng Diyos?
ARAL 32
Isang Bagong Lider at Dalawang Matatapang na Babae
Pagkamatay ni Josue, sumamba sa mga diyos-diyusan ang Israel. Naghirap sila, pero natulungan sila ng hukom na si Barak, propetisang si Debora, at ni Jael!
ARAL 33
Sina Ruth at Noemi
Dalawang babae na pareho nang patay ang asawa ang nagbalik sa Israel. Isa sa kanila, si Ruth, ay nagtrabaho sa bukid, at doon siya napansin ng lalaking si Boaz.
ARAL 34
Tinalo ni Gideon ang mga Midianita
Pinahirapan ng mga Midianita ang mga Israelita, kaya humingi sila ng tulong kay Jehova. Paano tinalo ng maliit na hukbo ni Gideon ang 135,000 kalabang sundalo?
ARAL 35
Nanalangin si Hana na Magkaroon Siya ng Anak
Isinama ni Elkana sa tabernakulo sa Shilo sina Hana, Penina, at ang pamilya nila para sumamba. Doon, nanalangin si Hana na magkaanak siya ng lalaki. Nang sumunod na taon, isinilang si Samuel!
ARAL 36
Ang Pangako ni Jepte
Ano ang pangako ni Jepte at bakit niya ginawa ang pangakong iyon? Ano ang reaksiyon ng anak na babae ni Jepte sa pangakong binitiwan ng tatay niya?
ARAL 37
Nakipag-usap si Jehova kay Samuel
Mga saserdote sa tabernakulo ang dalawang anak ng mataas na saserdoteng si Eli, pero hindi nila sinusunod ang batas ng Diyos. Iba ang batang si Samuel, at nakipag-usap sa kaniya si Jehova.
ARAL 38
Galing kay Jehova ang Lakas ni Samson
Binigyan ni Jehova ng lakas si Samson para labanan ang mga Filisteo, pero nang makagawa ng maling desisyon si Samson, nabihag siya ng mga Filisteo.
