Makani Aantalisyo Achipaanzi 6
MaIsrayeli nibakasika Kunyika Yachisyomezyo, tente lyakukombela mbubo bwakali busena bwabukombi bwakasimpe. Bapayizi bakali kuyiisya bantu milawu alimwi babetesi bakali kuzulwida chisi. Chipaanzi eechi chiyootugwasya kubona kuti kusala nkubachita bamwi bantu kulakonzya kubaswaanizya bamwi. MuIsrayeli umwi awumwi wakeelede kusyomeka kuli Jehova akubantu boonse. Tondeezya kuti bantu bali mbuli Dibbora, Nawomi, Joshuwa, Hana, mwana musimbi waJefita aSamuyele bakabagwasya biyeni bantu bamuli mbabo. Alubo tondeezya kuti nibaba bantu bakatali maIsrayeli bali mbuli Rahabbu, Rute, Jayeli abana Gibbiyoni bakasala kuliswaanizya amaIsrayeli nkaambo bakabona kuti Leza wakali kubagwasya.
MUCHIPAANZI EECHI
Jehova Wakasala Joshuwa
Leza wakapa Joshuwa malayilile aakonzya kutugwasya mazubaano.
Rahabbu Wakasisa Basikulanga-langa Nyika
Miduli yamuunzi waJerikko yakawa. Pesi ng’anda yaRahabbu yakasyaala kiiyimvwi nikuba kuti yakajisini amuduli wamuunzi waJerikko.
Joshuwa AbanaGibbiyoni
Joshuwa wakakomba kuli Leza kati: “O zuba, imikila!” Leza wakamusandula na?
Mweendelezi Mupya Abakayintu Babili Bakatondeezya Busichamba
Joshuwa naakafwa, maIsrayeli akasaanguna kukomba baleza bakubeja. Eezi zyakapa kuti buumi buyume, pesi bakagwasigwa aMubetesi Bbarakki, musinsimi mwanakazi Debbora aJayeli wakabelesya nkanka yatente!
Rute aNawomi
Bakayintu babili bakafwidwa balumi bakabweeda kuIsrayeli. Umwi wakali kutegwa Rute, wakaya kukuvulula mumyuunda alimwi Bbowazi wakamubona.
Gidiyoni Wakazunda maMidiyani
MaIsrayeli akakumbila kugwasigwa aJehova chiindi naakali kupenzegwa amaMidiyani. Basilumamba baGidiyoni bache bakabazunda biyeni basilumamba bakali basinkondonyina bakali 135 000?
Hana Wakakombela Kuti Abe Amwana
Elikkana wakali kwiinka aHana, Penina abana bakwe kuti bakakombe kutente lyakukombela kuShilo. Kali nkuko, Hana wakakombela kuti abe amwana. Nikwakayinda munyaka Samiyele wakazyalwa!
Chisyomezyo chaJefita
Jefita wakasyomezyaanzi alimwi nkamboonzi? Mwana musimbi waJefita wakachita biyeni atala achisyomezyo chawisi?
Jehova Wakaambuula aSamiyele
Mupayizi mupati Eli wakali abana balombe babili bakali bapayizi abalabo pesi teebakali kutobela milawu yaLeza. Nikuba boobo, Samiyele teembakabede pe alimwi Jehova wakaambuula aawe.
Jehova Wakapa Samsoni Manguzu Miingi
Leza wakapede Samsoni manguzu miingi akulwana maFilisti pesi chiindi Samsoni naakasala chabufuba-fuba maFilisti bakamujata.