Cingheniso ca cipandze 6
A cikhati leci a vaIzrayeli va nga chikela Tikweni gi Tsumbisilweko, a tabhernakeli gi nova gona tsindza ga wukhozeli ga lisine. A vapristi va wa gondzisa Nayo, a valamuli va wa rangela vanhu. A cipandze leci ci komba khwatsi lezvi a zviboho zva munhu ni zvimaho zvakwe zvi nga va khumbisako zvona van’wani. A muIzrayeli mun’we ni mun’wani i wa fanele ku tsumbeka ka Jehovha ni ka van’wani. A cipandze leci ci tlhela ci komba ni lezvi Dhebhora, Nawomi, Joxuwa, Hana, a nhanyana wa Jefta na Samuweli va vhunisileko zvona van’wani lomu va nga kari va hanya kona. Ci khanyisa ni lezvaku hambu vanhu vo kala va nga hi vaIzrayeli, vo kota Rahabi, Rute, Jayeli ni vaGibheyoni, va ti patsile ni vaIzrayeli hi ku wona lezvaku Nungungulu i wa hi zvin’we navo.
IN THIS SECTION
CIGONDZO 29
Jehovha a hlawula Joxuwa
A zvileletelo lezvi Nungungulu a nga nyika Joxuwa zvi nga hi vhunawu nyamutlha.
CIGONDZO 30
Rahabi a fihla zvipiyawu
A makhurisi ya Jeriko ma khungumukile mawa. Kanilezvi, a yindlu ya Rahabi a yi wangi, hambu lezvi yi nga akilwe laha ka makhurisi lawo.
CIGONDZO 31
Joxuwa ni vaGibheyoni
Joxuwa i no kombela Nungungulu aku: “Gambo, nyima”! Nungungulu i mu hlamulile ke?
CIGONDZO 32
Murangeli muswa ni vavasati vambiri va ku tiya hlana
A cikhati leci Joxuwa a ngafa, a vaIzrayeli va no sangula ku khozela zvifananiso. A wutomi gi no va bindzela. Hambulezvo, va vhunilwe hi Mulamuli Bharake, muphrofeti Dhebhora na Jayeli a nga tirisa cikhongwani ca tenda gakwe!
CIGONDZO 33
Rute na Nawomi
A vavasati vambiri va nga felwe hi vanuna vabye va no tlhela le Izrayeli. A mun’we wa vona, ku nga Rute, i no tira lomu masin’wini, laha a nga ya woniwa hi Bhowazi.
CIGONDZO 34
Gidheyoni a hlula vaMidhiyani
Andzhako ka loku a vaMidhiyani va xanisile vaIzrayeli, a vaIzrayeli va no khongotela Jehovha kasi a va vhuna. A vavanuna vatsongwani va Gidheyoni va zvi kotisile kuyini ku hlula 135 000 wa masochwa ya valala?
CIGONDZO 35
Hana a kombela n’wana ka Jehovha
Elkana i teka Hana na Penina ni vana vakwe vaya tabhernakelini le Xilo kasi ku ya khozela. Loku va hi seyo, Hana i kombela n’wana ka Jehovha. Andzhako ka cikhatana co kari, ku no pswaliwa Samuweli!
CIGONDZO 36
Citsumbiso ca Jefta
Citsumbiso muni ci nga mahiwa hi Jetfa niku hikuyini? Zvini lezvi a nhanyana wa Jefta a nga maha a cikhati leci a nga tiva lezvi a papayi wakwe a nga tsumbisile?
CIGONDZO 37
Jehovha a wulawula na Samuweli
A vafana vambiri va Eli va wa tira lomu tabhernakelini kota vapristi, kanilezvi va wa nga ingisi milayo ya Nungungulu. Hambu lezvi Samuweli a nga hi n’wanana ka vona, i wa hambene navo. Ka wusiku go kari, Jehovha i no wulawula na Samuweli.
COGONDZO 38
Jehovha a mu nyika ntamu Samsoni
Nungungulu i no mu nyika ntamu Samsoni kasi alwa ni vaFilistiya. Kanilezvi, a cikhati leci Samsoni a nga maha cihoxo, a vaFilistiya va no mu khoma.
