Enyanjura y’Ekicweka 6
Abaisareri obu bahikire omu Nsi ey’Ekaba Ebaraganiziibwe, eheema niyo yabaire kiikaro ekikuru ky’okuramya okw’amananu. Banyakatagara bayegesaga Ebiragiro, kandi abaramuzi bayebemberaga abantu. Ekicweka kinu nikyoleka omulingo encwamu zaitu zikwataho abantu abandi. Buli Mwisareri yali najunanizibwa hali Yahwe hamu n’omuntu mugenzi we. Yoleka omulingo enyetwaza ya Debora, Naomi, Yosuha, Hana, muhara wa Yefuta, hamu na Samuiri yakwasireho abantu nambere baikaraga. Gumya ensonga ngu, nabatali Baisareri nka Rahabu, Rusi, Yayeri, hamu na Abagibeoni, nabo baketeraniza hali Abaisareri habwokuba bakamanya ngu Ruhanga akaba ali hamu nabo.
OMU KICWEKA KINU
ISOMO 29
Yahwe Akakoma Yosuha
Ruhanga akaha Yosuha oburagirizi oburukusobora kutugasira naitwe omu kasumi kanu.
ISOMO 30
Rahabu Akasereka Entasi
Ebisiika bya Yeriko bikaseseka byagwa hansi. Baitu enju ya Rahabu etagwe n’obweraaba yali eyombekerwe ha kisiika eki.
ISOMO 31
Yosuha n’Abantu ba Gibeoni
Yosuha akasaba Ruhanga ati: “Izooba, yemerra omu kiikaro kimu!” Ruhanga akamugarukamu?
ISOMO 32
Omwebembezi Omuhyaka Hamu n’Abakazi Babiri Abamanzi
Yosuha obu yafiire, Abaisareri bakatandika kuramya ebisisani. Obwomeezi bwabo bukeyongera kuguma, baitu Yahwe akabakonyera n’akozesa Baraka omucwi w’emisango, Debora nabbi omukazi, hamu na Yayeri n’omusumaali gwe ogw’ehema!
ISOMO 33
Rusi na Naomi
Abakazi babiri abakaba baferiirwe abasaija babo bakagaruka hamu omu Isareri. Omu ha bakazi banu arukwetwa Rusi akagenda kukora omu musiri nambere omusaija arukwetwa Boazi yamuroliire yamugonza.
ISOMO 34
Gideoni Akasingura Abamidiani
Abamidiani obu bonaboneseze muno Isareri, Abaisareri bakacwamu kwesengereza Yahwe abajune. Ihe lya Gideoni erikaba like muno likasobora kusingura lita ihe ly’abasaija 135,000?
ISOMO 35
Hana Akasaba Yahwe Amuhe Omwana Omwojo
Erekana akatwara Hana, Penina, hamu n’abaana kugenda kuramya omu Siro ha heema ya Yahwe. Hana obu yahikireyo, akasaba Yahwe amuhe omwana omwojo!
ISOMO 36
Omurago gwa Yefuta
Yefuta akaraganiza ki Yahwe, kandi habwaki? Muhara wa Yefuta akehurra ata habw’omurago ise yakozere?
ISOMO 37
Yahwe Abaza na Samuiri
Batabani ba Eri Nyakatagara Omukuru ababiri bakoraga nk’abanyakatagara ha heema, baitu bakaba nibacwa ebiragiro bya Yahwe. Samuiri akaba ali mwana muto baitu nabahuhakanaho, kandi Yahwe akabaza nauwe.
ISOMO 38
Yahwe Akaha Samusoni Amaani Maingi
Ruhanga akaha Samusoni amaani maingi nukwo asobole kurwanisa Abafirisiti, baitu Samusoni obuyakozere encwamu embi, Abafirisiti bakamukwata.
