6-гы кезекке киирилде
Израильчилер Аазаттынган черге чедип кээрге, өргээ-майгын алыс шын чүдүлгениң төвү апарган. Өргээ бараалгакчылары чонну Хоойлуга өөредип, а баштыңчылар удуртуп турган. Чаңгыс кижиниң шиитпирлери, алдынып турары өскелерге салдар чедирип болур деп бо кезекте бижээн. Израильчилер Иегова-биле чоок найыралды сайзырадып, улуска чылыг-чымчак боор ужурлуг турган. Девораның, Ноеминниң, Аннаның, Нуннуң оглу Иисустуң, Самуилдиң база Иеффайның уруунуң чижектери өскелерже кандыг салдар чедиргенин онзалаңар. Гаваончулар база Раав, Руф, Иаил деп израильчи эвес улус безин Бурган израильчилер-биле кады деп билгеш, оларның талазын ээлеп алганын демдеглеңер.
БО КЕЗЕКТЕ
КИЧЭЭЛ 29
Иегова Нуннуң оглу Иисусту шилип алган
Бурган биске база ажыктыг сүмени, Нуннуң оглу Иисуска дег, берген.
КИЧЭЭЛ 30
Раав хайгыылчыларны чажырыпкан
Иерихоннуң ханалары буступ калган. А Раавтың бажыңы хоорайның ханазынга турган-даа болза, бүдүн арткан.
КИЧЭЭЛ 31
Нуннуң оглу Иисус биле гаваончулар
Нуннуң оглу Иисус Бургандан хүннү тургузуптарын чүге дилээн? Бурган аңаа харыылаан бе?
КИЧЭЭЛ 32
Чаа баштыңчы биле ийи эрес-дидим херээжен
Нуннуң оглу Иисус чок апаарга, израильчилер дүрзү-бурганнарга чүдүп эгелээн. Оларның чуртталгазы аар-берге апаарга, оларга дуза кадып, Варак баштыңчы, Девора медээчи биле Иаил чедип келген.
КИЧЭЭЛ 33
Руф биле Ноемин
Ашактары чок апарган ийи херээжен кижи Израильче чедип келген. Оларның бирээзи Руф Воозтуң шөлүнден тараа артынчыларын чыып турган. Вооз ону эскерип каан.
КИЧЭЭЛ 34
Гедеон мадианнарны тиилеп алган
Мадианнарның ужундан израильчилерниң чуртталгазы бергедеп кээрге, олар Иеговадан дузаны чаннып дилеп турган. Гедеон каш борбак кижи-биле 135 000 дайзынын канчаар тиилеп алган?
КИЧЭЭЛ 35
Анна Бургандан төлдү дилеп турар
Элкана өг-бүлези-биле Иеговага мөгеер дээш, Силомда өргээ-майгынга чораан. Аңаа ооң кадайы Анна Бургандан төлдү дилээн. Чыл эрткенде, ол Самуил деп оолдуг апарган.
КИЧЭЭЛ 36
Иеффайның аазаашкыны
Иеффай кандыг аазаашкын берген база чүге? Ону дыңнааш, уруу канчалган?
КИЧЭЭЛ 37
Иегова Самуил-биле чугаалажып турар
Илий дээр дээди бараалгакчы ийи оолдуг чораан. Олар ыдыктыг өргээ-майгынга бараалгап, Иегованың хоойлуларын үреп турган. Ынчалза-даа бичии Самуил оларны өттүнмээн. Бир катап дүне Иегова ооң-биле чугаалажып эгелээн.
КИЧЭЭЛ 38
Иегова Самсонга күштү берген
Филистимнерни удуп алыр дээш, Бурган Самсонга күштү берген. Ынчалза-даа Самсон частырыг кылыптарга, олар ону тудуп алган.
