Li j-israeletike kʼotik li ta Albil Balumile xchiʼuk te lik yichʼik ta mukʼ Jeova li ta axibalnae. Li paleetike jaʼ li buchʼu ta xchanubtasvanik ta Mantale, yan li jchapanvanejetike jaʼ ta sbeiltasik li jteklume. Li jvokʼ xchanobil liʼe chakʼbutik ta ilel ti xuʼ oy kʼusi chkʼot ta pasel ta stojolal yantik ta skoj li kʼusi tsnop tspas jun krixchanoe o ta skoj li stalelale. Li jujun j-israele oy kʼusi sbainoj tspas ta stojolal Jeova xchiʼuk ta stojolal li xchiʼiltakike. Albo skʼoplal kʼusi kʼot ta pasel ta slumalik ta skoj stalelalik li jujun yajtunel Dios liʼe: Debora, Noemi, Josue, Ana, stseb Jefte xchiʼuk Samuel. Jech xtok, albo mas skʼoplal ti buchʼutik maʼuk j-israelal krixchanoetike, jech kʼuchaʼal Raab, Rut, Jael xchiʼuk li  jgabaonetike, yuʼun lik xchiʼinik li j-israeletik ta skoj ti snaʼojik ti te chiʼinbilik yuʼun Diose.