Olondaka Vioku Fetika Onepa 6
Eci va Isareli va pitĩla Vofeka Yohuminyo, otavernakulu ya linga ono yefendelo liocili vofeka yaco. Ovitunda via longisa ocihandeleko kuenda olonganji via songuila epata lia Isareli. Onepa eyi yi lekisa ndomo onjila omunu umue a nõla kuenda ovilinga viaye vi pondola oku vetiya omanu vakuavo. Omunu lomunu pokati ka va Isareli wa kuatele ocikele cimue la Yehova kuenda lomanu. Lekisa ndomo ovilinga via Devora, Naomi, Yehosua, Hana, omõla ufeko wa Yefita kuenda Samuele via vetiya omanu vofeka yavo. Lolombola okuti ndaño muẽle omanu vana okuti ka va kaile va Isareli ndeci, Rahava, Ruti, Yaele kuenda va Giveone, va nõlapo oku kala konẽle ya va Isareli momo va kũlĩhĩle okuti Suku wa kala lavo.
VONEPA EYI
Yehova o Nõla Yehosua
Suku wa eca ku Yehosua olonumbi vi pondolavo oku tu kuatisa koloneke vilo.
Rahava wa Seleka Olondavululi
ovimbaka vio Yeriko via kupuka. Pole, onjo ya Rahava ka ya kupukile, ndaño okuti oyo ya tungiwa vocimbaka caco.
Yehosua la va Giveone
Yehosua wa likutila ku Suku hati: “Ekumbi, talama!” Anga hẽ Suku wa tambulula?
Usongui Umue Wokaliye Kuenda Akãi Vavali Vakuotõi
Noke yoku fa kua Yehosua, va Isareli va fetika oku fendela oviteka. Ekalo liomuenyo ka lia lelukile, pole, ekuatiso lia tunda konganji Baraka, kuprofeto Devora, kuenda ku Yaele lopeleko yombalaka yaye!
Ruti Kuenda Naomi
Akãi vavali okuti alume vavo va fa ale, va tiukila ko Isareli. Umue pokati kakãi vaco, Ruti, wa enda oku ka talavaya kovapia, kuna eye a kala oku tatiwa la Boasi.
Gideone wa Yula va Midiane
Va Isareli noke yoku talisiwa ohali la va Midiane, ovo va pinga ekuatiso ku Yehova. Asualali vatito va Gideone va tẽla ndati oku yula eci ci soka 135.000 kovanyali?
Hana o Likutilila Oco a Kuate Omõla Umue Ulume
Elikana wambata Hana la Penina kuenda epata liaye oco va ka fendele votavernakulu ko Silo. Votavernakulu yaco, Hana wa likutilila oco a kuate omõla umue ulume. Noke yoku pita unyamo umosi, eye wa cita Samuele!
Ohuminyo ya Yefita
Ohuminyo yipi Yefita a linga kuenda momo lie? Nye omõla ukãi a Yefita a linga omo liohuminyo ya isiaye?
Yehova o Vangula la Samuele
Omãla vavali vocitunda Cinene Eli va vumba ndovitunda votavernakulu, pole, ovo ka va pokuile kovihandeleko via Suku. Umalẽhe Samuele wa litepele lavo kuenje Yehova wa vangula laye.
Yehova wa Eca Ongusu ku Samisone
Suku wa eca ongusu ku Samisone oco a liyake la va filisiti, pole, eci Samisone o nola onjila yimue ka ya sungulukile, va Filisiti vo kuata.
