Marangaphanḓa A Tshipiḓa 6
Musi Vhaisiraele vha tshi swika Shangoni ḽo Fulufhedziswaho, thebenekele yo vha tshisima tsha vhurabeli ha ngoho henefho. Vhotshifhe vho funza Mulayo nahone vhahaṱuli vha livhisa lushaka. Hetshi tshipiḓa tshi sumbedza nḓila khulwane ine phetho na zwine muthu a zwi ita zwa nga kwama ngayo vhaṅwe. Muisiraele muṅwe na muṅwe o vha e na vhuḓifhinduleli kha Yehova na kha vhathu. Ombedzelani ṱhuṱhuwedzo ye Debora, Naomi, Yoshua, Hanna, ṅwananyana wa Yefeta na Samuele vha vha vhe nayo he vha vha vha tshi dzula hone. Ombedzelani uri na vhe vha vha vhe si Vhaisiraele, vha ngaho Rahaba, Ruthe, Yaele na Vhagibeoni, vho khetha u ima na Vhaisiraele ngauri vho vha vha tshi zwi ḓivha uri Mudzimu u navho.
KHA HETSHI TSHIPIḒA
NGUDO 30
Rahaba O Dzumba Ṱholi
Mbondo dza Yeriko dzo wa. Fhedzi nnḓu ya Rahaba a yo ngo wa, naho yo vha yo fhaṱiwa kha luvhondo.
NGUDO 31
Yoshua Na Vhagibeoni
Yoshua o rabela Mudzimu a ri: “Ḓuvha kha ḽi ime!” Naa Mudzimu o fhindula?
NGUDO 32
Murangaphanḓa Muswa Na Vhafumakadzi Vhavhili Vha Tshivhindi
Musi Yoshua o no fa, Vhaisiraele vho thoma u gwadamela zwifanyiso. Vhutshilo ha thoma u konḓa, fhedzi vha wana thuso i bvaho kha Muhaṱuli Baraka, muporofita wa mufumakadzi Debora na Yaele we a shumisa tsimbi ya u ṱoka dennde!
NGUDO 33
Ruthe Na Naomi
Vhafumakadzi vhavhili vhe vha felwa nga vhanna vha vhuyelela Isiraele. Muṅwe wavho ndi Ruthe we a ya u shuma tsimuni nahone ndi he a vhonwa hone nga Boasi.
NGUDO 34
Gideoni U Kunda Vhamidiani
Nga murahu ha uri Vhamidiani vha konḓisele vhutshilo Vhaisiraele, vho humbela thuso kha Yehova. Mmbi ṱhuku ya Gideoni yo kona hani u kunda maswole a maswina a 135 000?
NGUDO 35
Hanna O Rabela Uri A Wane Ṅwana Wa Mutukana
Elikana u ṱuwa na Hanna, Penina na vhana u yo rabela thebenekeleni ngei Silo. Musi e henefho, Hanna o rabela uri a wane ṅwana wa mutukana. Nga murahu ha ṅwaha, a beba Samuele!
NGUDO 36
Fulufhedziso Ḽa Yefeta
Ndi fulufhedziso ḽifhio ḽe Yefeta a ḽi ita nahone ndi ngani? Ṅwananyana wa Yefeta o dzhia hani fulufhedziso ḽa khotsi awe?
NGUDO 37
Yehova U Amba Na Samuele
Vhana vhavhili vha Tshifhe Muhulu Eli vha shuma sa vhotshifhe thebenekeleni, fhedzi a vho ngo thetshelesa milayo ya Mudzimu. Samuele we a vha a kha ḓi vha muṱuku o vha o fhambana navho nahone Yehova o amba nae.
NGUDO 38
Yehova O Ṋea Simisoni Maanḓa
Mudzimu o ṋea Simisoni maanḓa a u lwa na Vhafilisita, fhedzi musi Simisoni a tshi ita phetho i si yavhuḓi, Vhafilisita vha mu fara.
