Introduksyon ha Seksyon 6
Han nakaabot na an mga Israelita ha Tuna nga Iginsaad, an tabernakulo an nagin sentro han tinuod nga pagsingba didto. An mga saserdote nagtutdo han Balaud, ngan an mga hukom naggiya han nasud. Iginpapakita hini nga seksyon nga an mga desisyon ngan panggawi han usa nga tawo mahimo magkaada daku nga epekto ha iba. An tagsa nga Israelita may responsabilidad kan Jehova ngan ha iya igkasi-tawo. Pabug-ati an nagin impluwensya nira Debora, Noemi, Josue, Hana, anak nga babaye ni Jepte, ngan Samuel ha ira komunidad. Pabug-ati liwat nga bisan an pipira nga diri Israelita, sugad kanda Rahab, Ruth, Jael, ngan mga Gibeonita, nagdesisyon nga dumapig ha mga Israelita kay maaram hira nga kaupod nira an Dios.
HINI NGA SEKSYON
LEKSYON 29
Ginpili ni Jehova hi Josue
Gintagan han Dios hi Josue hin mga instruksyon nga makakabulig liwat ha aton yana.
LEKSYON 30
Gintago ni Rahab an mga Espiya
Narumpag an mga pader han Jerico. Pero waray maguba an balay ni Rahab bisan kon aada ito ha pader.
LEKSYON 31
Hi Josue Ngan an mga Gibeonita
Hi Josue nag-ampo ha Dios: Adlaw, hunong! Ginbaton ba hiya han Dios?
LEKSYON 32
Bag-o nga Lider Ngan Duha nga Maisugon nga Babaye
Kamatay ni Josue, an mga Israelita nagsingba ha mga dios-dios. Nagin makuri an ira kahimtang pero ginbuligan hira pinaagi kanda Hukom Barak, propetisa Debora, ngan Jael nga gumamit hin usok hin tolda!
LEKSYON 33
Hira Ruth Ngan Noemi
An duha nga babaye nga namatyan han ira bana binalik ha Israel. Usa ha ira amo hi Ruth nga nagtrabaho ha usa nga uma, diin nakita hiya ni Boas.
LEKSYON 34
Ginpirde ni Gideon an mga Midianitanhon
Katapos pakurian han Midian an Israel, nangaro hira hin bulig kan Jehova. Paonan-o napirde han 300 la nga sundalo ni Gideon an ira kaaway nga 135,000 nga sundalo?
LEKSYON 35
Nag-ampo hi Hana Para hin Anak nga Lalaki
Igin-upod ni Elkana hira Hana ngan Penina pati an iya pamilya ngadto ha tabernakulo ha Shilo basi magsingba. Didto, nag-ampo hi Hana para hin anak nga lalaki. Paglabay hin usa ka tuig, igin-anak niya hi Samuel!
LEKSYON 36
An Saad ni Jepte
Ano an iginsaad ni Jepte, ngan kay ano nga nagsaad hiya? Ano an ginsiring han anak ni Jepte mahitungod han saad han iya tatay?
LEKSYON 37
Hi Jehova Nakiistorya kan Samuel
An duha nga anak han hitaas nga saserdote nga hi Eli mga saserdote ha tabernakulo, pero diri nira ginsusunod an mga balaud han Dios. Iba an bata nga hi Samuel, ngan nakiistorya ha iya hi Jehova.
LEKSYON 38
Ginhimo ni Jehova hi Samson nga Makusog Gud
Ginhimo ni Jehova hi Samson nga makusog gud basi makig-away ha mga Pilisteohanon, pero han hi Samson naghimo hin sayop nga desisyon, nadakop hiya han mga Pilisteohanon.
