Fampidiran̈a Fizaran̈a 6
Israelita aby io koa fa navy tamy Tany Nampan̈antinain̈y tao, tran̈olay masin̈y in̈y nanjary tany fivavahandro tamy Jehovah. Pisoron̈o nampianatra olo Lalàn̈a. Pitsara nitariky firenena. Fizaran̈a ty man̈aboaka fa mety hisy vokany maventy aminolo hafa safidy ndreky raha ataonolo araiky. Israelita tsiaraikiaraiky nila tsy nivadiky tamy Jehovah ndreky tamy namany. Hazavà fa nan̈ampy olo hafa hanompo Jehovah raha nataony Debora, Naomy, Josoa, Hana, zanaka Jefta man̈angy, baka io Samoela. Koràn̈a koa fa nisy olo tsy Israelita nanjary nilan̈y tamindro, fotony haindro fa Zan̈ahary niaraka taminy Israely. An̈isanizen̈y Rahaba, Rota, Jaela, baka io Gibeonita aby io.
AMY FIZARAN̈A TY
Nifidy Josoa Jehovah
Nan̈amia toromariky Josoa Zan̈ahary, baka io mbala ilaintsika amizioty toromariky namiany Jehovah izy io.
Nasitriky Rahaba iro Pitsikilo aby Io
Rongana ribany tanànany Jeriko, fa tran̈ony Rahaba fo tsy rongana, ndray izio nipetaka tamy ribany tanàna io.
Josoa Ndreky iro Gibeonita aby Io
Josoa nivavaka tamy Jehovah: “Masoandra, aza mihetsiky io!” Nivaliany Jehovah ma vavakanany io?
Pitariky Vaovao Ndreky Man̈angy Aroe Tsy Navozovozo
Josoa koa fa naty, Israelita aby io nanompo sampy. Nijaly iro, fa nan̈ampy iro Baraka Pitsara, Debora paminan̈ivavy, baka io Jaela ndreky raha marangitry tamy tran̈olainany!
Rota Ndreky Naomy
Man̈angy aroe maty vady nimpody ta Israely. Boaza nahita Rota, Rota io araiky tamindro man̈angy aby io. Rota niasa tamy tanimbariny Boaza.
Resiny Gideona Midianita aby Io
Iro Midianita aby io nampijaly Israelita. Nangataka vonjy tamy Jehovah Israelita aby io. Vitsy hely tafiky Gideona, kanefa nandresy maramila 135 000. Karakory nahavitandro nan̈ano zen̈y?
Hana Nivavaka Baka Hiteraka Lelahy
Nindesiny Elkana tamy tran̈olay masin̈y tan̈y Hana ndreky Penina ndreky zanany. Nivavaka Hana tan̈y, izy nangataka baka hiteraka lelahy. Niteraka Samoela izy taon̈o araiky tafaranizen̈y.
Nifanta Tamy Jehovah Jefta
Ino fanta nataony Jefta, baka io nan̈ino? Nan̈eky zen̈y ma zanany man̈angy io?
Jehovah Nikoran̈a Tamy Samoela
Pisoron̈o tamy tran̈olay tao zanakany Ely Pisoron̈obe, kanefa tsy nan̈araka volan̈anany. Samoela ndray mbala hely, nisy jery mare, baka io nikoran̈a taminany Jehovah taminy alin̈y araiky zay.
Nataony Jehovah Fatatra Be Samsona
Nataony Jehovah fatatra be Samsona, hiady amindro Filistiny aby io. Nisamborindro Filistiny aby io izy izikoa fa tsy nandiniky tsarabe.
