U káajbal le jaats 6
Le ka kʼuch le israelitaʼob teʼ Luʼum Aʼalaʼan u Tsʼaʼabaltiʼoboʼ, letiʼe tabernáculo meyajnaj utiaʼal u adorartaʼal Diosoʼ. Letiʼe sacerdoteʼob kaʼansik kaʼach baʼax ku yaʼalik le Leyoʼ, le juezoʼoboʼ ku nuʼuktikoʼob kaʼach le kaajoʼ. Le jaatsaʼ yaan u yeʼesikeʼ le baʼaxoʼob maʼalobtak ku chʼaʼtuklik u beetik máakoʼ jach jeʼel yáantik u maasileʼ. Cada juntúul israelitaeʼ unaj u yilik kaʼach u chúukpajal u yóol tiʼ Jéeoba. Tsol bix áantaʼabik le kaaj yoʼolal le baʼax tu beetaj Débora, Noemí, Josué, Ana, u hija Jefté yéetel Samueloʼ. Tsol xan bix jujuntúul máaxoʼob maʼ israelitaʼob, jeʼex Rahab, Rut, Jael yéetel le gabaonitaʼoboʼ tu tsʼáajubaʼob tu tséel le israelitaʼoboʼ tumen u yojloʼob táan u yáantaʼaloʼob tumen Dios.
BAʼAX YAAN TEʼ JAATSAʼ
XOOKIL 29
Jéeobaeʼ tu yéeyaj Josué
Dioseʼ tu yaʼalaj tiʼ Josué baʼax unaj u beetik, le baʼax tu yaʼalajtiʼoʼ jeʼel u yáantkoʼon xan teʼ kʼiinoʼobaʼ.
XOOKIL 30
Rahabeʼ tu taʼakaj le máaxoʼob binoʼob chʼúukoʼ
U baʼpakʼiloʼob Jericoeʼ júuti. Chéen baʼaleʼ u yotoch Rahabeʼ maʼ júut kex tiaʼan tu baʼpakʼiloʼob le kaajoʼ.
XOOKIL 31
Josué yéetel le gabaonitaʼoboʼ
Josueeʼ tu kʼáataj tiʼ Dios maʼ u péek le Kʼiinoʼ. ¿Núukaʼab wa tumen Dios le baʼax tu kʼáatoʼ?
XOOKIL 32
Barak yéetel kaʼatúul koʼolel maʼ saajkoʼobiʼ
Ka kíim Josueeʼ, le israelitaʼoboʼ tu adorartoʼob yaanal diosoʼob. Le táan u muʼyajoʼoboʼ, áantaʼaboʼob tumen Barak, Débora yéetel Jael.
XOOKIL 33
Rut yéetel Noemí
Kaʼatúul koʼoleloʼob kíim u yíichamoʼobeʼ, suunajoʼob Israel. Rut, juntúul tiʼ letiʼobeʼ bin meyaj tiʼ junpʼéel kool, tiʼ kʼaj óoltaʼab tumen Boaziʼ.
XOOKIL 34
Gedeoneʼ tu ganartaj le madianitaʼoboʼ
Le israelitaʼoboʼ tu kʼáatkoʼob u yáantaj Jéeoba le jach táan u muʼyajoʼoboʼ. ¿Bix ganartaʼabik 135 mil soldadoʼob tumen le u chan junpʼíit u soldadoʼob Gedeonoʼ?
XOOKIL 35
Anaeʼ tsʼaʼab juntúul u hijo
Elcanaeʼ ku bisik Ana, Peniná yéetel u paalal u adorartoʼob Jéeoba teʼ tabernaculooʼ. Teʼeloʼ Anaeʼ ku kʼáatik juntúul u hijo. Ka máan junpʼéel añoeʼ síij Samuel.
XOOKIL 36
U promesa Jefté
¿Baʼax tu prometertaj Jefté, yéetel baʼaxten? ¿Baʼax tu yaʼalaj u hija Jefté yoʼolal u promesa u papaoʼ?
XOOKIL 37
Jéeobaeʼ tu tʼanaj Samuel
Kaʼatúul u paalal Elieʼ ku meyajoʼob kaʼach teʼ tabernaculooʼ, pero maʼ tu yuʼuboʼob u tʼaan Diosiʼ. Samueleʼ maʼ bey kaʼachiʼ. Junpʼéel áakʼabeʼ tʼaʼan tumen Jéeoba.
XOOKIL 38
Jéeobaeʼ tu tsʼáaj u muukʼ Sansón
Dioseʼ tu beetaj u jach yantal u muukʼ Sansón utiaʼal u baʼateʼel yéetel le filisteoʼoboʼ. Ka tu yaʼalaj baʼax beetik u yantal u muukʼeʼ, maʼach tumen le filisteoʼoboʼ.