Yendá ca israelita que ndaaniʼ Tierra Prometida, ne beeda gaca tabernáculo que lugar ra biʼniʼ adorárcabe Dios ni dxandíʼ. Rusiidiʼ ca sacerdote que ni ná Ley, ne gucané ca juez guidxi que para guni adorar Dios. Sección riʼ cusiene pur ni guni ti binni ne decisión guicaa zanda gacané ni o guniná ni xcaadxi, ngue runi cada israelita gupa xidé ñuni respetar Jiobá ne prójimu stiʼ. Bisiene ca xiiñiluʼ ximodo gucané ejemplu stiʼ Débora, Noemí, Josué, Ana, xiiñidxaapaʼ Jefté ne Samuel ca binni de xquídxicaʼ. Bisiene laacabe guyuu caadxi binni neca cadi israelita laacaʼ casi Rahab, Rut, Jael ne ca gabaonita guyuucaʼ pur ca israelita purtiʼ bidiicaʼ cuenta nuuné Dios laacaʼ.