Ro rasaló midid 6
Órni israelitas bidxinyibu ló Layoo ni Dios Biduidy xtiitz guicaʼyibu, tabernáculo góc toib lagary ro bienyibu Jehová. Sacerdotes bisuidyibu ni ná Ley, né guirá jueces golonésyibu israelitas. Midid reʼ raslooytzay que ni rony toib buñ o ni ragoʼbu guicbu gonybu raguiñani stipnés buñ. Tigaaga israelita gopbu toib dxiin rodann nisló Jehová né nisló stipnés buñ. Goleʼ loguiaʼ ximod Débora, Noemí, Josué, Ana, xiindzap Jefté né Samuel gocnéyibu xcudxyibu. Goleʼ loguiaʼ que tipnés buñ ni diti góc israelitas xomod Rahab, Rut, Jael né gabaonitas, goyoʼyibu xilad israelitas portín gondxichyibu que Jehová noʼ né gudx Israel.
LÓ MIDID REʼ
LESIONY 29
Jehová golúbu Josué
Jehová bilitzbu Josué, guirá litz ni cuaʼbu láaca racnéni lóono ló naareʼ.
LESIONY 30
Rahab bicachlanbu chop buñ ni goyláach Jericó
Muros xtuny Jericó bidoʼopni. Per lidx Rahab diti biabni ná goyoʼni laidy muros xtuny Jericó.
LESIONY 31
Josué né buñ gabaonitas
Josué gonabbu lóo Dios: «¡Govitz, gosagadzu!». ¿Cuapy Dios láabu la?
LESIONY 32
Barac, Débora né Jael
Órni goity Josué buñ israelitas gosaló bienyibu dioxh falz. Ngú goloʼ layibu ló galnagan, per toib juez ni góc laa Barac, toib buñgonaʼ ni goniʼ profecías ni góc laa Débora né Jael gocné layibu.
LESIONY 33
Rut né Noemí
Chop gonaʼ viod rabiguetyibu gudx Israel. Toibtica de layibu ni laa Rut goyee buny dxiin ló toib layoo, cú bimbu Boaz láabu.
LESIONY 34
Gedeón bunybu gan madianitas
Buñ israelitas ranabyibu xcalrracné Jehová portín buñ madianitas nigolú ronynudy layibu. ¿Ximod 300 soldad xtuny Gedeón buñ gan a 135.000 soldad madianitas?
LESIONY 35
Ana gonabbu Dios ñoʼ xiimbu
Elcaná rinébu Ana, Peniná né guiráca ximbioxbu par guienyibu Dios lainy tabernáculo ni noʼ gudx Siló. Lagarycu Ana gonabbu Dios ñoʼ xiimbu. ¡Órni yása guisaʼ tobiz gool Samuel!
LESIONY 37
Jehová goninébu Samuel
Sumo sacerdote ni góc laa Elí gop chop xiingaʼn ni buny dxiin lainy tabernáculo per layibu diti bisobyibu xiley Dios. Samuel diti bisuʼ layibu. Toibtica goxin Jehová goninébu Samuel.
LESIONY 38
Jehová biduidy galnadip a Sansón
Dios biduidy galnadip a Sansón par nacalóbu buñ filisteos, per órni Sansón biset xigony nigolú nadipbu, buñ filisteos labúu gonás láabu.
