Fã 7 ɔ Nya Blimi Munyu
Munyuhi nɛ ngɛ fã nɛ ɔ mi ɔ kɔɔ Matsɛ Sɔɔl kɛ Matsɛ David a yi nɔ sane he. Níhi nɛ ya nɔ ɔ he maa pee jeha 80. Sisije ɔ, Sɔɔl baa e he si nɛ e yeɔ Mawu gbeye, se e kɛ we kulaa nɛ e tsake. E bui Yehowa blɔ tsɔɔmi tue hu. Yehowa kua Sɔɔl, nɛ pee se ɔ, e de Samuɛl ke e pɔ David nu konɛ e ye Israel bi ɔmɛ a nɔ matsɛ ngɛ Sɔɔl se. Enɛ ɔ ha nɛ Sɔɔl nyɛ David, nɛ e ka si abɔ kaa e maa gbe David. Se David pee we Sɔɔl yayami ko kɛ to nane mi. Sɔɔl binyumu ji Yonatan. Yonatan le kaa Yehowa suɔ nɛ David nɛ ye matsɛ, lɔ ɔ he ɔ, e fĩ David se. David tɔ̃ tɔmihi nɛ hɛdɔ ngɛ he, se e kplɛɛ tsɔsemi nɛ Yehowa kɛ ha lɛ ɔ nɔ. Ke o ji fɔlɔ ɔ, moo ye bua o bi ɔ konɛ e na kaa e he hia nɛ e fĩ Mawu blɔ nya tomi se be fɛɛ be.
NGƐ FA NƐ Ɔ
Kekleekle Matsɛ Nɛ Ye Israel Nɔ
Mawu ha nɛ kojoli hyɛ Israel bi ɔmɛ a nɔ, se a ke a suɔ nɛ a ná matsɛ. Samuɛl pɔ Sɔɔl nu, nɛ e ba pee kekleekle matsɛ, se pee se ɔ, Yehowa kua Sɔɔl. Mɛni he je?
David Kɛ Goliat
Yehowa hla David kaa e he matsɛ ngɛ Israel, nɛ David tsɔɔ nɔ́ he je nɛ Yehowa hla lɛ ɔ.
David Kɛ Sɔɔl
Mɛni he je nɛ nimli nɛ ɔmɛ a kpɛti nɔ kake ná e nyɛmi he ninyɛ ɔ, nɛ kɛ nɔ nɛ a nyɛ lɛ ɔ pee e ní ha kɛɛ?
Yonatan Ji Kãtsɛ Kɛ Anɔkualetsɛ
Matsɛ ɔ binyumu ɔ ji huɛ kpakpa kɛ ha David.
Matsɛ David Pee Yayami Ko
Huɛ yaya bɔmi ngɔɔ haomi kɛ baa.