Majubul ma Pes 7
Ini pes i mpôdôl miñañ mi Kiñe Saulô ni mi Kiñe David; hala a bi bôña ipôla 80 ma nwii. Saulô a bééna suhulnyu i bibôdle, a konok ki Djob woñi. Ndi a bi héñha, a tjôô matiñ ma Yéhôva. Yak Yéhôva a tjôô nye, a kal Samuel le a hoo David kiki kiñe Israel i i ga noñ. Saulô a bôdôl kil David njôñ kayéle a kahal yéñ i nol nye, ndi David a bi pun bé nyemede. Man Saulô le Yônatan a bé yi le David nyen Yéhôva a mpohol, jon a bi téñbe ni David. David a bi boñ ngim mam ibe, ndi a tjél bé kel to yada le Yéhôva a kodol nye. Ibale u yé ngwal, hôla man woñ i tehe nseñ i noñ bitelbene bi Djob hiki ngéda.
MUNU PES INI
Kiñe bisu i litén li Israel
Djob a bi ti Lôk Israel bakéés inyu éga bo, ndi bo ba bi bat kiñe. Samuel a bi hoo Saulô kiki kiñe bisu, ndi i mbus ngéda Yéhôva a héya Saulô. Inyuki?
David ni Gôliat
Yéhôva a bi tep David inyu ba kiñe Israel i ga noñ ha, David a unda ki inyuki i bé loñge le nyen ba pohol.
David ni Saulô
Ikété bôlôm bana, inyuki nunu wada a bé oo nuu numpe, ni lelaa ñoo a mboñ?
Yônatan: mut ndéñbe, mut makénd
Man kiñe a yila bañga liwanda li David.
Kiñe David a mboñ béba
Makidik mabe ma bi lona ngandak mandutu.